French Navy nih laser thar, Defense System “Helma” drone kah khawhnak cu, tlamtling te in test ngeih khawh asi tiah, French kutchuak thatning cu, pic-ah aw,

French Navy nih cun laser defense system thar HELMA timi cu tlamtling tein test anrak tuah khawh cang rua, mah thil hi an ralhna drone kah puak ding ah tuah mi asi, French kut chuak hrimhrim hi cu atha bak mi asi caah, China thil tuah mi he cun adang ngai ko, mah an technology thiamnak hi China nih afir lonak ding ah ralrin te in record chiah asi lai tiah thei asi.


Mi nih hriamnam tha pakhat angeih ah cun, mah hriamnam lak ah ivennak hi tuah ve cawlh peng khi asi caah, atu zong French ram nih cun an mah Engineer hna le Technology hna thiamnak hmang in Laser defense system cu tha ngai in anrak chuah khi asi, Mah thilthar an tuah mi hi “HELMA-P” turret system thar hi boruak ah azuang lio mi, drone hi laser hmang inanrak kap khawh ding ah tuah mi asi.


HELMA-P timi cu High Energy Laser for Multiple Applications -Power tiin mit pakhat longte ngei, WALL-E bantuk deuh khi asi, Mah HELMA-P hi laser hmang in drone hna kap khawh ding ah tuah mi asi bantuk in, optical sensor thatuk mi, boruak ah drone hna fawitein hmuh khawhnak le 2-kilowatt laser, drone chiatter khawhnak zong aken chih tiah an ti.


Test anrak ngeih cang nak ah HELMA-P nih hin fiang ngai ngai in an kah mi drone 37 hna cu, za ah za (100%) in an kap khawh khi asi, mah system thar hi French company pahnih CILAS le Ariane Group hna nih design hna he tuah mi asi, mah company hna nih an tar langhter ning ah cun, HELMA -P nih hin range 0.62 miles ngei asi, atu ah hin anti-drone system hna tu hlan nak in, a let 3-4 in a range hi a sangdeuh ati.


Atu July 8 ah khan tlamtling tein test tuah khawh asi cang fawn, Mah system hi atu Olympic Games Japan ram ah an ngeih nak ah hin hman asi cang tiah news report nih alanghter asi, amah ah hin Drone khawi ka in dah arat, mit nih ahmuh kho lo mi tiang hmuhkhawhnak power angei tiah thei asi.