Germany nih adonghnak ah cun asum kho ti lo caah Ukraine nih an duh bik mi hriamnam tha tuk mi pali bak an pek ko cang lai hih!
Germany nih adonghnak ah cun asum kho ti lo caah Ukraine nih an duh bik mi hriamnam tha tuk mi pali bak an pek ko cang lai hih!
Air Defense system 4 pek asi cang, Thla 7 hnu ah Germany’s defence minister, Christine Lambrecht, nih chimcia um bak lo in, nizan ah khan Ukraine a phan, Germany nih hin Russia President Putin an mit mei ven pah in can sau nawn Ukraine an bawm ti lo hnu ah, le Russia opposition Alexie Navalny thi deng mang in a um lio zong ah khan Chancellor Angela Merkel long nih, Putin achawnh khawh, hmun dang ah Navalny zohkhen ding in an lak chuah khawh kha asi fawn ko kha mu, kanrak theih ceu bang in, Navalny kha Germany nih zohkhen lo selaw athi ko lai.
Russia Ukraine thuat/dohnak zong ah Germany nih Russia mit mei an ven sau ngai ko cang, Poland & Lithunia hna zong nih an hma khalh bak cang mi kha asi, Geo-politicals ah cun ram dang dang hi ram pakhat le pakhat hi herhcan kan ngeih ceu bantuk in, atu zong ah hin Ukraine deirhmun hi Germany nih zoh sawh sawh cu, atim bak ti lo, zei maw tal in bawm timhnak lungput he ataktak in thil tuah arak langhter cang khi asi.
Reuters : German Defence Minister Christine Lambrecht nih Odessa a tlawng nak ah, can sau ngai bia arak kam cang bantuk in, – Iris-T SLM ground-based air defence system 4 cu Ukraine sin ah an pek cawlh cang lai tiah arak phuang ko cang khi asi, Kyiv nih air-to-surface IRIS-T systems hi 12 tluk an duh mi kha asi, Germany company nih atuah chuak tu sin zong ah, cawk ding in arak hal cang kha asi.
Air-to-surface IRIS-T systems pakhat hi €150mn man bak asi, Germany ralkap hna zong nih an ngah rih lo mi asi ko hmanh ah, Germany nih cun Ukraine sin ah pek hmasa ding ah biachahnak arak ngei khi asi, €743 million man hrawng hriamnam dang an kuat ve ko cang nain, Kyiv nih hin Leopard battle tanks an duh herh/tuk cang nak ah, Berlin an soiselnak cu Germany nih theihthiam piak in atu ah cun, Air-to-surface IRIS-T systems 4 bak an pek mi hi a ropituk hringhran khi asi, Zalensky zong alawm ngai ko khah!