HIMARS hriamnam hi zeitluk in dah arak thatnak kong le S-400 nih akham khawh lo ruang ah Putin nih arak huat ngai mi kha asi,

HIMARS lak ah S-400 Triumf/SA-21 Growler hi zei hmanh asi lo nak kong le hriamnam dang kong theih ding ah,

Atu lio Russia le Ukranian war thawng pang cu kanrak theih ceu cang kha asi, Ukrainian hna nih thazang angei ti lai lo tiah kan ti lio ah, Turkey nih TB2 Bayaktar UCAV arak pek fawn mi cu, Russian caah hnahnawk bak asi, Russia nih hin Ukrainian pawl UCAV/Armed Drone hna an thuat piak hna lio ah cun,  TB2 hna hi an cawlcang ngam tuk lo khi asi, Russia cu a kal ning te in akal peng khi asi, Ukrainian hna bawm tlattu US nih cun Ukraine hna dirhmun ader ngai tiah theih piak in, hriamnam tha le tih anung ve deuh mi, M142 HIMARS( High Mobility Artillery Rocket System) cu Ukraine sin ah arak pek kha asi, mah hriamnam hi multiple Launch Rocket System sawh sawh khi si lo in, rocket an hman mi hi guided rocket an si tlat ruang ah hin, an target hi an kah fuh ngeingei khi asi, Ukrainian forces hna zong an tha atho ngai ngai ko, 92Km hlat nak hmun ah an duh mi an kap fuh peng khi arak si atha tuk hringhran ko.

Mah HIMARS nih hin Missile phun 3 a ngei, guided rocket system le Missile system phun 2 a ngei fawn, M30/M31 hi guided rocket system an siruang ah, 92Km tiang an kap phak khawh, mah hriamnam phun hi midang nih kah thlak ve khawh lo tluk khi asi, radar ca zong ah fawite in hmuh khawh asi lo, AIM-120 AMRAAM hna nak in tlawm pal alian deuh khi asi, radar nih arak hmuh ve asi zong ah ivennak ding ah, 5sec hrawng long can angeih cang caah iven khawh lo tluk khi asi thiamthiam, M142 HIMARS nih Missile system a ken mi 2 hi, Atu lio mobile launched surface to surface missile system ah cun (medium range) tih anung bik mi chung ah atel mi khi asi, mah hi US nih Ukraine a pek mi ah a tel le tel lo theih asi lo, cheu khat nih pek tel asi an ti, Ukranian nih HIMARS an hman ning zoh ah hin, Russia nih hnahnawk ngai mi hriamnam asi an ti ko khah!

Missile a ken khawh tawn mi hi Army Tactical Missile System (ATACMS) 300Km range ngei le Precision Strike Missile System (PrSMS) 500Km range ngei hna mi an si, mah missiles hna hi Ukranian pawl nih hin an ngei rih lo khi asi, US zong nih an pek rih lo, HIMARS rocket hmanh hi Russia nih hnahnawk an tic ang mi kha asi, Mi tampi nih hint u hlan ah cun Russia S-400 system hi atha ngai ding ah anrak ruah mi kha asi, Sihmanhselaw atu ah atktak in hman asi tik ah, HIMARS lak ah cun zeihmanh asi lozia fiang ngai in alang cang ko kha asi, HIMARS arak khamh khawh bak lo khi asi, atha tiah faktuk in anrak chim tawn mi kha asi, India zong nih tampi anrak cawk piak ko, atu ah cun India zong nih ka cawk sual tiah angaisih ko khah! S-400s kong hi kanrak theih lo ruang ah asi tiah angaisih kong achim ve bak ko cang India cu!

S-400 system hi rocket le artillery shell hna thuat ding le hriamnam chiahnak depots hna ven ding caah hman khawh chauh khi asi, military base lian le khuapi pawimawh hna vennak ding long ah tlak asi, a role zong anti-ballistic missile system a si, S-400 system hman nak ding ah tuah mi hna cu, 1. Strategic Bombers, 2.Electronic Warfare Airplanes/Aircraft, 3. Reconnaissance Aircraft, 4. Airborne Warning And Control System(AWACS).Airborne Early Warning & Control System(AEW&C), 5. Jet Fighters, 6. Ballistic Missiles hna hi asi, mah hna hi S-400 system caah rak ven ding le S-400s hman khawh ding mi asi, Rocket le artillery shell, mortar ti bantuk hna thuatnak ding ah tuah mi asi timi hi theih fian aherh ko.

HIMARS missiles system ATACMS le PrSMS hna hi rak hmang hna selaw S-400s nih hin a missiles 9M96E2(120Km range) hmang in khamh an timnak kha asi, nain an tim ning in HIMARS lak ah zei hmanh asi lozia atu ah cun fiang ngai in alang ko cang khi asi, S-400 Triumf NATO lei nih SA-21 Growler an timi an ral hna nih hriamnam thuatnak ding ah missiles a ken mi hna cu, 1. 40N6E missile(400Km), 2. 48N6 Missile (200- 250Km), 3. 9M96E2 Missile(120Km), 4. 9M96E Missile (40Km) hna hi an si, mah hna nih target angeih mi cu acunglei ah kan langhter cang bantuk khi asi, an kah timnak poh poh ah akap fuh lo timi hi a um bal lo khi asi hriamnam tha ngai le tih anung mi an si timi hi ataktak in atu ram 2 idohnak ah theih khawh asi.

Russian Ammo depots le a dang hna cu, HIMARS hmang in an kah chiat piak tawn an timi hna hi, Russian SHORADS (Short Range Air Defense System) Pantsir, Tunguska, BUK (medium)etc le adang hna nih, anrak khamh khawh lo ruang ah asi timi afiang, M30/M31 Guided Rocket system rak khamh khawh ding ah cun, Israel ngeih mi Iron Dome le Rheinmetall Sky Shield hna hi hmantlak bik ding asi, mah hna hmanh nih adih lak in ven khawh cu ahar ko lai, a umtu ning ah cun US pawl THAADs zong nih hin HIMARS pawl hi cu, khamh khawh dih khi asi lo, hriamnam hi an hmannak ding ah tuah ceu hi asi, mah cu a kong lam fiang tein theih lo ah cun cawk sual hi a um vetawn, a kong hi fiangte in theih cikcek hnu ah cawk hi atha, mi nih atha tiah Advertisement hna ah an langhter ruang ah atha le tha lo hmanh theih huha lo in cawk ah cun sungnak phun khat asi te lai.