Hriamnam tampi an hman cang caah ram pahnih hna sin in zei maw zat an cawk than ve ko cang buainak an ton deuh deuh,

Russian president, Vladimir Putin & North Korean leader, Kim Jong-un, cu message an ikuat ngai ngai hna, North Korea nih Donbas lei ah Russia bawm an tim tiah thawng pang theih asi fawn, Russia cu thinphan deuh nak angei cang maw sihnga? Kan hnu lei deuh ah Iran sin ah drone tampi an cawk cang, atu ah north Korea pawl meithalpi mu/kuan tampi acawk than fawn cang, superpower asi ve mi ram nih, Ukraine ram hmete an doh hmanh ah, hriamnam tampi an sung cang timi cu vawlei theih khi asi.

NATO hriamnam ngeih vialte chung ah Ukraine hriamnam ngei mi cu, 0.3% zong tling lo he an idoh hmanh ah hriamnam mah zatzat an sung kha asi, atu bantuk dirhmun asi ah cun NATO ram hna he direct clash/idoh hna selaw zeitin dah an cawlcang/um lai? ukraine pawl nih HIMARS 12 longte US nih a pek mi kha asi, mah hmanh cu buaipi atling khi asi, US nih hin HIMARS hi 500 leng an ngeih khi asi, Ukraine lak zong ah an buainak ah air superiority an can khawh lo khi asi fawn, Su-30, Su-34, Su-35 tiang Jet fighter an sung ngai ngai ko kha!.

Ka-52 Alligator le bang cu tampi kah chiat piak kha asi, an sung mi kha rel cawk zong asi lo, Ukraine Jet fighter ngeih chun tlawm palte hmanh an tei khawh lonak kha zei ruang dah sihnga? Tu-160 bomber hna hi Russia nih an bohsan bik mi kha asi, Ukraine airspace ah zuang ngam lo in, hmun hlat ngainak in Missile he an kah tawn mi kha asi, mahruang ah cun civil mi umnak building le civil minug hna nih anrak tuarnak zong kha asi.

Russia nih hriamnam an ngeih mi chung ah tha an timi Tu-160 le Su-57 Jet 6 hna cu Ukraine ramri ah khan an duty ter peng kha asi fawn, Su-57 paruk chung ah 4 hna nih khan an himnak hmun in, air defence range alenglei in an missile ken mi he an va kah tawn kha asi, ralkap 30,000 leng le General minung 50 leng le Officer range 1000 leng nih nunnak a pek kha asi, world war 2 nak hnu ah atu hi Russia ralkap thi tambik cem asi, mah cu thil umtu ning asi hmanh ah Special Military Operation tiah an ti deuh deuh khi asi.

Mah long si lo $700 million man Moskva lawng kah chiat piak kha asi fawn, Special Moskva Sinking Operation ti piak ding khi asi, Tank 1000 leng kah chiat piak fawn, Special Tank Self Demolition Operation tiin, nihin hi Ukraine an thuat/dohnak cu ni 195 nak asi cang fawn, “Day 195 of 3 days war” bantuk dirhmun khi asi, ram hmete Ukraine hman an tei lo ah cun US, NATO Allies hna he idoh chinchin siselaw zeitluk in dah an tuar hnga??

Reuters: US intelligence reports ah Russia Ukraine idohnak kal peng ah, West pawl nih Ukraine hriamnam an pek cuah mah peng lio ah, Russia nih an allies Iran le North Korea hna sin in, hriamnam tampi an cawk ve peng khi asi, mah hi Cold War si lo in Weapons war dik tak kan hmuh cuah mah lio hi asi, US intelligence declassified nih North Korea le Russia hna cu an an tangti ve ngai ngai khi asi.

US official min thup hna nih Russia’s defence ministry nih Ukraine thuat nak ah, hriamnam an sungtuk cang khi asi, hriamnam tha an ngeihtuk lem ti lo tiah chim in, “the Russian military continues to suffer from severe supply shortages in Ukraine, due in part to export controls and sanctions”.

The New York Times nih US intelligence officials hna nih, atu ah hin hriamnam tam deuh ngeih an herh caah, North Korea sin in cawk chih an tim cang tiah ati, US official nih hin zeizat dah Russia nih North Korea hriamnam cawk an timh timi hi an chim lo, kan hnu lei deuh ah khan Biden administration hna nih cun, Russia nih drones tampi Iran sin in an cawk cang kha asi, zar hmasa zong ah khan The White House nih, Russia nih Iran sin ah drones an cawk mi, Mohajer-6 -Shahed-series drones ah technical buainak an ton an ti, Armed Forces of Ukraine hna nih Turkish-made Bayaktars idohnak ah an hmang tiah ati.