International Court of Justice ICJ ah NUG lei in U Kyaw Moe Tun a dirlai, Min Aung Hlaing cu Court ah adir ngam lo” Luvar” pakhat an kalter,
Gambia ramnih Min Aung Hlaing le an ralkap hna cu kum 2017 ah khan Rohingya Muslim hna thah (Genocide) tin kum 2019 ah khan ICJ ah report atuah kha asi, Asi khawh lo ruang ah Myanmar aiawh in Daw Aung San Suh Kyi cu court hmai ah arak lang mi kha asi, mah lio ah khan Aung San Suh Kyi nih adirpi ruang ah, Vawlei Upatnak sang ropi ngai mi Nobel Peace Prize kha arak chuh piak than kha asi cu mu, mah case kha a dih rih lo kha asi, NUG lei nih hin evidence țha tak tak mi he February 21-28 ah khin ICJ ah Genocide case hearing ngeih a si than lai, Myanmar ram a buai hnu ah hin Suh Kyi dirpi mi Professor William Schacabas zong nih “Zei thil hmanh ah ka rawlh ti lai lo tiah achim cang fawn khi asi.
NUG lei belte nih cun ICJ hearing ngeih ding ah hin confidence an ngei ngai ngai ko, Myanmar ram ah um mi Rohingya hna caah NUG aiawh in NUG Ambassador (Current Permanent Representative of Myanmar to UN) U Kyaw Moe Tun a dir ding khi asi, Min Aung Hlaing belte cu amah kal ngam lo in Politics chung mi zong si lo mi, Businessman sawh sawh Lu var (Muslim) pa cu holh lettu he kalter asi, ICJ ah hin Min Aung Hlaing hi a dir ngam lai lo timi cu mithiam le Political Leaders tampi hna nih anrak chim diam cang kha asi, ICJ hearing nak record nih hin ASEAN tiang in Min Aung Hlaing- cawlcangnak hi achia deuh deuh cuahmah khi asi cang an ti fawn hna.
ICJ hi lam donghnak ding asi lo, War Crimes le Crimes against Humanity ruang ah ICC le Argentina Court nih arak dawn rih fawn lai caah, ICC ah cun Rohingya long siti lo in tlang cung hna zong ah, atu ah hin mi tampi thah asi cang pin ah Revolution chung ah mipi an thah mi hna tiang in case alut cang, mah hi Min Aung Hlaing nih zei tluk in dah serious timi hi fiangtuk in atheih caah dakaw, Court-ah lang ding ah theihternak cakuat hna kan ngah sual lai tiah an tihtuk cang caah cun, cu bantuk cakuat hna ram dang in arak phan ah cun lak lo ding (accept to receive) ah tiah nawl an pek dih hna kha asi, Atu ah hin Min Aung Hlaing nih hin tih lo bantuk in langko hmanh selaw, achunglei nun ah cun thinphan nak fakpi angeih cang tiah Post department ah riantuantu pakhat nih atu bantuk in achim.
Myanmar Military Council ah langphak khawh mi ralhrang Leaders hna chungkhar tiang an buai pah ko cang khi asi, NUG nih hin zeihmanh an tuah taktak kho lo tiah chim tawn mi hna rak theih hna u, NUG nih hin zeitluk in dah hma an lak timi cu alang deuh deuh ko cang, alang peng fawn cang laik hi asi, NUG nih hin Revolution hna nih teinak an ngah khawhnak ding ah hin, UN ah step by step in ning cang dik tak in a kal peng ko cang, Min Aung Hlaing-acoyahnak hlonh ding in ram chung ah CDM, PDF, CDF hna le Indigenous Armedforces hna kaltlang in asi khawh chung in hma lak peng asi, vawlei pum huap in Myanmar mipi aiawh acoyah dik ta kasi timi fiang ngai ngai in, step pakhat te hmanh hrelh bak lo in kar an thlang cuahmah lio asi.