Iran van lawng India ram chung ah arak zuang mi cu, IAF hna nih Jet fighter an dawiter ning thawng pang cu,

Nizan zing ah khan Iran passenger phur van lawng pakhat India ram chung ah, arak zuang lut khi asi, bomb maw asi lo ah puak khawh mi thil a phurh zum asi ruang ah, India lei ah nawl ngeitu hna cu an thin phan manh ngai ngai kha asi, mah bia le thawng pang hi Indian Air Force hna nih an theih ve bak ah hin, Iran van lawng cu ‘intercept’ ding in Jodhpur le Chandigarh ah IAF hna nih Su 30 MKI hna zong ralrinter dih in, a herh ah cun cawlcang cawlh ding in nawl pek cawlh asi fawn.

Cun, Delhi police hna zong nih zinglei suimilam 9:20am ah khan ramdang vanlawng nih puak khawh mi thil phur sual asi ah cun tiin, Delhi hmun hi timtah mi asi ti phun in report an ngah ve fawn tik ah, theih bak lo mi van lawng asi fawn tik ah ralrin pek nak dar khing atuk manh cang kha asi, mah hnu ah nawl ngeitu hna nih hma lak cawlh in, PTI nih Lahore Air Traffic Control zong nih hi vanlawng tih nung asi khawh timi thawng pang hi, Delhi ATC hna cu arak chim ve cawlh hna kha asi ve fawn tiin a chim.

Mah van lawng hi Airbus A340 Mahan Airline siin Tehran, Iran in Guangzhou, China lei pan in azuang lio kha asi, Mahan Airline pilot nih hin Delhi Airport ah Air Traffic Control (ATC) hna chawnh in Delhi ah ţum arak hal mi kha asi, nain Airport nawl ngeitu hna nih cun ‘technical problem’ a um an ti ruang ah, ţum ding sianh piak lo in Jaipur ah ţum ter ding ah sianh pia kasi, mah hnu ah hin Chandigarh zong ah ţum an sianh piak than fawn, nain Mahan Airline pilot nih hin duh lo in Guangxhou, China lei a kaltlang than kha asi tiah report asi.

Mah van lawng zuang ning hi Fligh Radar 24 Data nih a tarlan ning ah cun, India ram a chuahtak hlan te ah Delhi-Jaipur karlak boruak ah rau tuk lem lo, a zuang ning kha niam tete azuang mi kha asi, Delhi cung zawn boruak zong ah vawi zeimaw zat a zuang kual fawn, IAF hna nih cun, mah Iran vanlawng hi India ramchung ah a um lio ah hin, radar hmang in bia tak tein an zoh peng ko tiin an chim, Mahan Airline pilot nih bomb an phurh lo kong le emergency landing an duh mi asi ko tiah arak chim hnu ah cun, IAF hna zong an lung anuam deuh khi asi.

Mah Iran vanlawng nih hin India ram a lonh hlan cu, an jet fighter hmang in nai te ah zulh peng asi fawn, Atu bantuk in ram dang van lawng India ram arak luh ah hin, Delhi ah ţum arak hal cawlh hi, India caah cun warning dar khing tum lo awk tha lo khi asi, kum 2001 Sept 11 ah passenger phur van lawng hna nih, WTC a sutchiat bantuk kha thil phan khawh asi caah, Delhi ah ţum an sianh piak lo kha asi an tuah sual a um lo an ti, Jaipur ah ţum duh lo Delhi bak ah tum an duh nak chan hi thil ma kasi fawn, tumter lo kha a himbik nak arak si.