Israel-nih  an mi le sa hna cu Turkey ram chung chuah tak cang ding ah fak nawn in theihternak achuah than cang,

Iran mi hna nih Turkey-ah Istanbul khuapi ah kualtlawng mi Israel mi hna cu, thah or Kidnap timh asi tiah chim a um ruang ah, Israel nih an mi le sa hna cu Turkey ram chuah tak dih cang ding ah theihternak achuah khi asi, Israel acoyah nih May 30-ah khan Turkey-ah Israel um mi hna cu, theihternak arak chuah cang fawn khi asi, nain atu ah hin cun faknawn in theihternak hi tuah than asi,”Israel mi hna cu Istanbul-ah tlawng lo ding in nawl an si, thil pawimawh tak ngeih asi lo ah cun, Turkey-ah hin kal hlah u, Istanbul-ah nanrak um cang asi zong ah, Israel-ah aran khawhnak chung in kir cang u,” tiin Israel foreign minister Yair Lapid nih a chim.

Mah terrorist hna nih hin Israel mi khualtlawng veivak le a umcia mi hna tiang, terrorist hna nih target ah ngeih asi tiah, Intelligence report nih fiangte in alanghter cang ruang ah atu bantuk in Israel acoyah zong nih kir dih cang ding ah theihter nak atuah mi asi,”Iran mi hna nih an theih ding ah ka duh mi cu, Israel mi aho poh fahter or kidnap a um poh ah cun hrem lo in an chuak lai lo, khawika hmun ah an um zong ah, Israel nih cun ahmuh hlan tiang akawl thiamthiam ko lai, an luat lai lo tiah ati, Lapid nih Israel security force- hna hmalaknak ruang ah naite ah khan Israel mi hna nunnak chanh asi cang, mah kong ah hin Turkey acoyah bawmnak ruang ah lawmnak bia achim fawn.

Israel security official nih Turkey-ah hin Iran Islamic Revolutionary Guard Corps (IRGC) hna hi tampi tlaih asi cang, Iran nih Iran pin ah Syria ram chung ah nuclear le military infrastructure thuattu Israel cu buainak chuahtu ah puh asi, May 22-ah Iran khuapi ah IRGC colonel Hassan Sayyad Khodaei, motor chung ah motorcycle ah acit mi pahnih nih thi lak in an kah mi kha asi, mah cu Israel an puh mi asi, lehrul/phuba lak an tim tiah arak chim cang kha asi, Israel nih an puhnak hi adik le dik lo zeihmanh an chim rih lo, Israel nih vawlei hmun dang dang ah an mi hna thahnak ah, mawhphurtu bik cu Khodaei hi an puh mi asi, Turkey hi Israel mipi hna nih idinnak can hmannak ding ah an kal tawnnak hmun bi kasi, Ram 2 hna hi can sau ngai chung ihmuhthiam lo nak an ngeih hnu ah, atu ah hin iremhnak dang dang an tuah than cang khi asi.