Middle East buainak Israel PM nih Iran cu an hrocer bak ko! Iran in the Butcher President thar le Iran nih Oil tanker hijacked nak kong,

Middle East buainak hi kan fawnh dih ko lai, zarh hmasa Thursday ah khan Iran nih suicidedrone hmang in Israel oil tanker anrak thuat kong thei asi, mah kong hi social media hna ah hmuh ding atam ngai ko, PM Bennett, Gantz, Lapid hna nih Security Council briefing an ngei nak ah “Iran nih hin Middle East ah buainak tuah in, Tehran ah hin hna ngam te in an thu kho thlei lai lo ati, Vawlei cung ram vialte nih riantuanti ding ah can kan hman lio asi, Nain aherh ah cun kanmah long tein Iran cung ah hma kan lak ko lai tiah Israel PM Bennett nih a chim cang.

Iran nih hin lawmman dawn ding ah an theih cia, aho poh nih Israel security an himter lo ah cun lawmman an hmuh tawn, Bennett nih hin European Union hna zong arak soisel tel khi asi, Iranian President-elect Ebrahim Raisi hi vawlei cung ah mi hrawkhrawl le mitha lo tiah alar mi asi, European Union nih rak thei hna u, Human Rights ti bantuk in nan au len ko, Asi nain murderer, hangman, Iran ah minung sualnak angei lo tampi thahnak ah atel mi hna, tuanpi in lawmpinak ca nan kuat maw? Bennett nih achim duhnak cu Iran President thar Ebrahaim Raisi lakluh asi lio ah European Union hna nih lawmhpinak an kuat ruang ah achim mi asi.

Iranian President Ebrahim Raisi – Ebrahim Raisi hi elected President asi ah khan a kong tial asi ko cang kha mu! Iran’s Supreme Leader Ayatollah Ali Khamenei nih nizan ah khan Iran President lak luhnak can angei, West pawl nih Ebrahaim Raisi hi ‘Butcher of Tehran’ an ti, December 14, 1960 ah chuak mi asi, kum 60 asi lio, Iranian clerical hierarchy, ah Aayatollah hnu ciah asi, Islamic Revolution 1979 ah khan kum 20 asi lio ah prosecutor of Karaj ah an chiah, Dictator Ayatollah Khomeini nih special legal powers arak pek.

Minung 30,000 thihnak ah khan atel mi asi, “The Butcher was a member of Tehran’s ‘death commission ” jail tang mi hna electrical cables in anrak hrem tawn, Nu fa apuai mi hna zong an hrem thiamthiam ko, nghai sa, mipa hna cu tlang sangpi in hramhram in an zuanter hna khi asi,

Oil tanker Iran Hijacked – Iran he tuanti mi ralkap hna Panamanian-registered oil tanker UAE Rilipi pawng ah an hijacked, mah an Hijacked mi lawng hi “Asphalt Princess” Iranian forces hna nih Gulf of Oman ah an Hijacked tiah report alut mi atam ngai khi asi, Lloyds List Maritime Intelligence tar lan ning ah cun, Panamanian-registered tanker Asphalt Princess ah hin methal keng tampi an lut hna.

United Kingdom Maritime Trade Operations (UKMTO), zong nih third party in hijack ding hi warning arak pek cang khi asi, Nain Abolfazl Shekarchi, Iran’s senior armed forces spokesman nih hijack ah an puhnak hi ‘psychological warfare’ mah ipuhnak hi minchiatternak asi tiin, Fars News Agency ah langhter asi, Iran nih an hijacked lo tiin, British Times newspaper report ah Britain’s foreign ministry hna nih thil umtu ning thlathlai lio asi tiah an ti.

#middleeast