Mipi thisen luangtuk lo in Afghan President Ashraf Ghani cu, afghan ram zam tak in, Taliban hna nih cun Afghan khuapi Kabul alak cang ko hmanh ah,

Mipi thisen luangtuk lo in Afghan President Ashraf Ghani cu, afghan ram zam tak in, Taliban hna nih cun Afghan khuapi Kabul alak cang ko hmanh ah, Idohnak thar an ngei ti lai lo tiah chim khawh asi rih lo, Taliban lak ah sung duh lo le doh rih aduh mi, Northern Alliance an timi hna cu, Northern Afghanistan ah Panjshir valley le a pawngkam hna ah, kum 2001 hlan ah Taliban dohtu alar ngai mi, mujahideen commander huaisen Ahmad Shah Massoud fapa National Resistance Front of Afghanistan hruaitu si lio, Ahmad Massoud pawl he ifuntom lio pi asi.

Mah hna nih hin Afghan President Taliban adoh ngam lotu Ashraf Ghani nih, Vice President ah arak hman mi Taliban an tei lo ruang ah alung afaktuk mi, nizan tihni ah khan August 17 ah, an caah cawlcang ding rem lo ngai in, Afghan Acting President ka si tiah arak ti ngam mi, Amrullah Saleh cu an biakchawnh cang fawn, Panjshir ah chauk mi Amrullah Selah zong arak phur ngai ve asi, Afghan Vice President (atu ah Acting President) nih hin mipi hna zong fawrhfelnak tuah lio asi, nihin ah khan hmun tampi ah Afghan flag tar in lam zawhnak ngeih asi, Taliban hna nih akah mi zong an um tiah thei asi.


Mujahideen commander fapa Ahmad Massoud nih America cu democracy dir thannak hmanrua pawimawh ngai asi tiah chim in, Taliban an dohnak ding ah hriamnam tha an ngeituk lo ruang ah, an fighter hna support ding in Panjshir Valley ah an ikulhnak in nawlnak arak tuah, kei le ka mujahideen fighter hna cu ka pa hnuzulh ding in le Taliban thuat doh ding ah ready kan si cang tiin, Taliban hna nih Afghan ralkap nih azam tak hriamnam hna an lak dih caah, bawmtu aherh zia chim in America cu bawm ding ah nawlnak atuah khi asi.

Northern Alliance pawl umnak-ah hin Afghan acoyah chung a mi tampi cu Taliban kut ah ipek aduh lo mi, ralkap le mipi tam pi anrak lut cang, Taliban thuat doh ding ah hin Massoud hruainak tang ah ralkap thawng ngai mi sersiam ding ah, Taliban tei than ding ah bia tak tein hma an lak cuahmah liopi asi cang tiah news report ah arak aupi cang ko.

Afghanistan-ah acoyah Kal ning Thar ding ah Taliban hna nih arak phuang,

News agency Reuters nih a tarlan ning in, Afghanistan-ah acoyah lutlaitu bik ding cu, Taliban pawl asi nak langhter in, Islamist Militants movement alu bik Haibatullah Akhundzada nih a pumpi in charge a lak lai tiin tarlan asi, Taliban senior leader Waheedullah Hashmi chim ning in, acoyah ah mawhphurnak cang ding mi hna chung ah, Pilot hna le Afghan ralkap cheukhat hna zong an itel ati, an mah hna zong acoyah ah dir hmun sang pek asi lai tiah ati.


Acoyah nawl ngeih nak le khawkhan lai relnak ning lam (power structures) cu 1996-2001 can lio ah Taliban hna nih acoyah kalpi bantuk kha asi lai tiah, reports ah langhter asi, Supreme leader Omar Mullah cu acoyah kalphung ding ah ruah peng asi, Afghanistan-ah hin acoyah kal ning ah hin, zeiti phun zong hmanh in Democratic System hman asi lai lo tiin achim, Democracy cu hman asi lai lo caah, Muslim kal ning Sharia Law cu an hman hrimhrim lai timi cuafiang ngai ko.