Nihin ah India ram chung ah ram 3 hna nih Exercise lian ngai mi an tuah cang lai caah China cu thin phang in a um ko cang,

United Kingdom nih ral dohnak lawng lianbik HMS Queen Elizabeth le a dang hna UK raldoh lawng hna cu, Indian Ocean anrak lut cang tiah thei asi, UK ral dohnak lawng an bohchan bik mi nih Indian Ocean ah hin, Indian Navy hna he Idohnak ning lam Exercise an tuah hnu ah, South China Sea lei ah America raldohnak lawng hna le Japan raldohnak lawng hna he, International water venhim ding ah raldohnak ning lam anrak cawn hna khi asi.

UK foreign secretary Dominic Raab nih HMS Queen Elizabeth cu UK hawitha bik ram hna he, Rilipi ah raldohna subject thar ah kan kai cang tiah a chim, Raab nih HMS Queen elizabeth nih hin UK le atuanpi mi ram hna he, mipi zalennak biapi bik asi caah, kan ral ngeih mi zong hmunkhat asi, mah caah cun hmunkhat te in kan ral hi kan doh ding asi ati.

HMS Queen Elizabeth Ton 65000 tluk ah rit hi India raldohnak lawng hna he, Bay of Bengal ah Konkan Exercise an ngeih lai, Konkan Exercise hi Andaman Island karlak hrawng ah ngeih asi lai, Indian Navy nih hin Destroyer hna le Rili tang Lawng le P8I Poseidon, sub marine hunter te hna chuah pi asi lai tiahtarlanh asi.

Royal Navy flotilla, flagship HMS Queen Elizabeth Big Lizzie strike group’s ah hin 3,700 crew an um, southern Cypriot city of Limasso ah an idinta, US destroyer & 10 Marine Corps F35-B fighters, hna zong an itel, Big Lizzie Carrier Strike Group nih hin operation a ngeih pengrih lai khi asi.

Japan le Taiwan-:

Japan nih cun Taiwan ram kong he pehtlai in US le China ruahnak adang veve asi caah, mah hmunhma ah hin buainak achuak te lai ati, Asia ram hna nih cun US maw China maw leikap ah tang ding in akan tuah ko cang tiah ati, Beijing nih Taiwan hi a ram bantuk in angei caah, Naite ah khan faktuk in an ingiar hna khi asi, mah caah cu Taiwan dirhmun hi ader ngai, ruah lopi in idohnak achuak kho men caah kan zoh sawhsawh awk tha lo dirhmun ah akan dirter tu asi ati.

India le China-:

China nih cun Line of Actual Control LAC kum 2 chung buainak cu, kaltak in lam dang ah India he thatnak lei lam kawl cang usih tiah China nih sawmnak atuah ko, zei dah aruang a sihnga? Thei thiam zong ahar ngai,China hi cu phakar mi hrawkhrawl phun in a um le, India nih azumh lai maw? Asi lo ah bia an ceih pi lai maw kanrak thei te ko lai.

External affairs minister S Jaishankar le Chinese counterpart Wang Yi hna cu, Dushanbe ah itawnnak ngei in, Suimilam 1 chung bak an ikawm hna, Jaishankar nih LOC Eastern Ladakh lei buainak ah remdaihnak a um khawhnak hnga aceih pi khi asi, Atu ah hin ramri ah cun India nih ralkap 60,000 an chiah, China nih ralkap 50,000 an chiah ve, ready veve in an um ko cang khi asi.

2020 September ah khan Jaishankar le Wangi hna hi Moscow ah i hmuh tawnnak ngei in  Galwan Valley, Pangong Lake areas le hmun dang hna ah ingiarnak hmun in ralkap kirter ding ah ceih asi, Asi nain China lei nih Line of Actual Control- Hot Springs, Gogra Depsang , eastern Ladakh ah hin China nih kirter lo in an um caah, India zong nih ralkap an chiah than ve khi asi.

Tajikistan’s capital ah ihmuhtawn nak ah khan, Chinese Foreign Ministry nih cun ‘India le China relations arak chia tuk khi as rih ko kha mu, Jaishankar nih Wangi sin ah  Line of Actual Control LAC ah status quo a um lo ah cun, ram 2 hi thil dang zong ah tuanti khawh kan si lai lo tiin arak chim cang.

Wangi nih cun India le China nih Eastern Ladakh lei buainak cu, chiahrih ko usih law, ram 2 thanchonak lamtu kawl hmasa atha ko tiin, Ramri ah disengagement a um khawhnak ding ah cun can sau deuh zoh ta in hmalak atha lai ati, Ramri border-related incidents, nih hin ram 2 lam dang ah buaitertu si hlah seh ati.

China kan hmuh ning ah cun China le India relations hi a dang bal lo, China le India relationship itihnak phun asi lo, hawikawm thatnak, development ah ibawmtu ding kan si, ral si lo in tuanti ding kan si ati, India le China nih kan mah ram veve, thatein kan zohkhenh lai, ram caah khawkhan lairelnak itih zah piak ding kan si, mah ram chung zohkhenh nak ah ibuaiter ding kan si lo tiin Jaishankar nih a leh.

Ramri buainak remdaihter lo in, ram 2 ipel lengmang cu zeitin dah asi khawh lai? Ram 2 zeitin dah hawitha siin rian an tuanti khawh lai? Ramri icuh peng lio ah hawitha si ding hi, India nih zeitin dah aruah ve hnga? Timi hi asi, China nih zei tactic dah hman an itimh kanrak thei te lai cu?