Nihin ah khan Ukraine ram chung ah Missiles 36 an kap lut tiah anti, atu tiang Ukraine ralkap hna cu an ram le miphun chanhnak ah khat lei ralkap le hriamnam an kah chiat piak mi cu,
Nihin idohnak ah Russia nih Missiles 36 an kap lut than tiah thawng thanh asi,
Saturday ah central & western Ukraine hna cu power ngei lo in an um cang, atu lio vawlei ram ah hin, power ngei electric mei ngei lo ah cun, minung nunnak ah aherh mi tampi hi power tel lo in khuasak nak hi ahartuk mi dirhmun number 1 bak asi cang bantuk in, Ukrainian president, Volodymyr Zelenskiy nih Russia lei nih, Rocket 36 an kap lut tiah report asi, pin ah Russia nih civil mi umnak le kan hman mi power target in an bomb chiat tawh tiah ati.
Ukraine lei ralkap hna hi, an ram caah bia tak tein thazang an chuahnak cu, alang deuh deuh ko in alang, nihin tiang Ukraine ralkap hna nih Russia ralkap le hriamnam tampi an kah chiat piak cang le an tlaih mi hna cu, atang lei picture bak tuk hi asi.
Ukrenergo nih Russia missile nih western Ukraine energy facilities an thuattuk ruang ah, kan duh ning in mipi herh mi thil hi, harsatnak kan ngeituk cang tiah ati fawn, France, Germany & Britain UN Ambassador hna nih, Iran Kamikaze drones ruang ah, Ukraine mipi hna nih an tuartuk ning hi, hlatthlai ding in United Nation UN ah nawlnak an tuah mi cu, Iran’s foreign ministry nih anrak soisel khi asi, zei bantuk hriamnam hmanh Russia kan pek lo tiin achim ko hmanh ah an zum hna lo khi asi.
Kherson region lei ah Associated Press report ah, Ukraine lei nih Kherson city ah Russia acoyah aiawh an chiah chung mi hna hmun, an kah ruang ah Russian positions an umnak ding zong afek ti lo ati, Japanese prime minister, Fumio Kishida nih cun, Russia nih Ukraine ah Nuclear Weapons an hman ah cun, “act of hostility against humanity” ah kan ruah piak lai ati ve bak.
NATO’s eastern flank cak/thawnter nak ding ah Saturday ah Spain nih, Bulgaria & Romania ah 14 Fighters jets chiah ding in an ti ve cang hna, Antonovskiy Bridge chia cang mi Kherson, Ukraine’s south lei um mi cu Russia lei nih sersiam than mi rian an dih cang, Volodymyr Zelenskiy nih Russia nih Nova Kakhovka hydroelectric dam an bomb chiat asi ah cun, southern Ukraine ah faktuk in harsatnak kan ton lai tiah, West pawl sin ah bawmnak ahal, Russian-appointed official Kherson, Kirill Stremousov nih Zelinsky cu Dam bomb chiat tim ah puh asi mi cu lih asi tiin Reuters a chim.
Russia & America defence minister hna an ichawnh,
Russia & America indirect war thla 8 nak ah ram 2 Defence Minister hna an ichawnh hna, Biden administration nih ‘Boruak zei poh asi zong ah chim ding a um ah cun, kan nih lei cu ibiakchawnh hi ready peng kan si, US Defense Secretary Lloyd Austin & Russia’s Defence Minister Sergei Shoigu hna, direct talks hi May ah khan an ngei hnu ah, Ukraine buainak ruang ah hin, Cuba Missile bantuk dirhmun tih nung phun ah khan, vawlei hi a um ko cang, Super powers ram 2 ibiakchawnhnak ngeih ah hin ram 2 hna karlak ah thil tampi a fel khawh an zum.