Nihin cu Russia cu an thin ahung ngai sihmanhselaw zeihmanh tuah khawh angei fawn lo zarkhat chung ah Kiev khuapi lak tim asi an lak khawh lo tampi an sung,  

Nihin ah khan Russia Foreign Ministry Lavrov nih Belgrade ah Serbian president, Aleksandar Vučić, he iton ding an si, nain Bulgaria, North Macedonia & Montenegro hna nih Russia invasion ah Ukraine tha an pek nak langhter in, an Airspace Russia caah an khar piak kha asi, mahruang ah hin Lavrov nih khualtlawng atim mi cu cansel phah khi asi, Lavrov caah cun zeihmanh ti khawhnak angei fawn lo khi asi, Serbian president, Aleksandar Vučić cu Moscow ah tlawng ding in let talam in sawm asi ningzah ah, The Kremlin spokesperson Dmitry Peskov nih cachuah angei, “Russian Foreign Minister Serbia tlawng ding cu, West pawl nih an tih asi ah cun an tih bantuk in West pawl ruah bantuk in boruak chia ni asi tiah ati.

Ukraine invasion ah Serbia hi Moscow he pehtlainak ngei tlawmte chung in tel mi asi, Serbia’s interior minister, Aleksandar Vulin nih Lavrov cu an ram ah a tlawng khwah lo mi cu poi an tin gai, “Russia hi Serbia hawitha hlun an si, Lavrov caah an Airspace block tu hna nih hin remdaihnak an duh lo tinak asi tiah ati, nain Serbia & Russia nih hin Bulgaria, North Macedonia & Montenegro hna cung ah, zei hmanh tuah khawh kan ngei lo tiah news report ah alanghter khi asi.

Ukraine war ah hin 5 June 2022, Sunday : 2nd largest Army in the world Russia ralkap hna nih, zarkhat zong tling lo in Kiev khuapi lak khawh an zumh, hriamnam thatha le ralkap hna an chuahter kha asi, nain an ruah bantuk in Ukraine ralkap hna le Volunteer Military Force hna cu anrak tik ho bak lo khi asi tik ah, an mah Russia ralkap le hriamnam thatha tampi an zam tak pin ah, zei maw zat Ukraine nih an kah chiat piak tu khi asi, mah thawng pang cu Putin nih arak theih athin ahung chinchin khi asi, zei hmanh chim ding angei lo, Russia ralkap hna nih hin, hriamnam tha le ralkap tha mi long an hman ko cang hmanh ah, Ukraine a thuat/dohnak ah hin alet talam in an sung deuh deuh tu khi asi tik ah Putin cu thinhunnak in akhat ko.

Russian ralkap hna nih an zam/tlik tak mi Armoured Vehicle tampi le Missile kap chuak khawh mi phun, motor hna tampi an kah chiat piak bak ko hih! Moscow nih hin Ukraine doh ding ah hin  hriamnam chia ahmang lo hriamnam tha le thawng mi long an hman ko cang timi cu ram kip nih an hmuh dih ko, mah hmanh ah cun an timh ning in Ukraine ralkap hna hi an tei khawh bak lo khi asi, tukum Victory Day, 9 May 2022 ah an hman zong ah khan, mah picture ah lang mi hna hi atha bik cem ah an ruah mi anrak phozar ko khah! Nain Ukraine ralkap hmai ah tampi an zam/tlik tak ko kha, cu long si lo tampi an kah chiat piak pin ah zei maw zat an tlaih piak fawn khi asi.

Russia nih hin Kiev khuapi an thuat/dohnak ah hin hriamnam tha pipi an hman timi cu vawlei nih ahmuh dih ko, Ukraine President Zelenskyy nih cun Ukraine Ram 20% hrawng cu, Russia ralkap hna kut tang ah a um cang tiah chim asi cang, nain Ukraine president Volodymyr Zelenskiy nih Russia he an idohnak afak bik nak hmun, eastern frontlines  Donetsk & Luhansk regions & south-eastern region of Zaporizhzhia ah ava tlawng, atu ah hin an ralkap hna nih lak than tim in tan an lak cuah mah lio asi, zei maw zat kan kut ah a um than cang ati.

Russia invasion thla 3 leng asi cang nak ah Ukraine lei ralkap zong zei maw zat nunnak aliam ve ko, Putin zong nih Donbas lei an thuat/dohnak ah General 11 nak ding ah Major-General Roman Kutuzov cu athi/sung than khi asi, Major-General Roman Kutuzov hi atha ngai ko Putin nih abosan ngai mi asi, chief of staff of 29th Combined Arms Army asi, Thlakhat hnu ah Russia nih ralkap Bawi chung ah ropi bik mi an sung than mi asi, Russian sources tar lan ning in, Nikolaevka settlement area, Donbas, Ukranian ambush ah a thi mi asi, Russia nih hin  49 colonels an sung cang, a hnu bik theih mi cu, Lt-Col Zaur Dimayev, deputy commander of the 4th battalion of the Akhmat Kadyrov special forces regiment, Chechen leader Ramzan Kadyrov hawi pa asi.