Nikhat chung ah Putin ralkap hna minung 950 cu an thah piak bak ko hih! Ukraine ralkap pawl nih,
Ukraine Kyiv nih cun Russia he thla 9 deng mang an idoh cang nak ah, nikhat thil ah Russia ralkap hna cu minung 950 Sunday ah khan an thah tiah report asi, Russian-occupied areas ah an idohnak ah, Kherson region ah Ukranians ralkap hna nih hma an lak ngai ngai ko bia tak tein an thuat nak ah, Sunday ah khan Russia ralkap 950 a thi pin ah hin, Russia ralkap cu 24 February in atu tiang ah, ralkap 71,200 an thi cang tiah report ah langhter fawn asi.
Russia ralkap hna hi an duh lo bu in Ukraine ah nawl pek ruang ah kal khi an si, cheu khat hna bang cu ral doh an duh lo tuk nak ah a ther in an ther bak ko pin ah an tli/zam hna khi asi tiin, report asi, an hriamnam lei armoured vehicle zong tampi an tlik tak an ti fawn, mah hi Kherson lei mi asi tiin Kherson lei Ukraine ralkap bawi pakhat nih atu bantuk thawng an thanh mi asi, Ukraine missile an kah mi cu, armoured vehicle phen ah an ithup hna ngai ngai khi asi an ti fawn.
UK’s Ministry of Defence (MoD) latest intelligence briefing ‘In October, Russian officers were concerned that some recently mobilised reservists were arriving in Ukraine without weapons,’ Ukraine hi atu ah hriamnam US le NATO, European hna nih an pek ve peng khi asi, mahruang ah Putin zong a thin ahun ve deuh deuh khi asi, Putin nih cun Ukraine cung ah hriamnam hman ka tim lo mi cu hman a her ko cang lai hih tiah, arak phuang ve bak fawn, idohnak hi afak deuh deuh ko lai tiin Putin nih a chim fawn.
Tangka an duh ruang ah a nupi fapuai lio cu, kham sang ngai cung in an namtla-I a thi,
Turkish pa pakhat Hakan Aysal, kum 40 mi nih cun a nupi fapuainak thla 7 asi lio, Semra Aysal, kum 32 cu kham sangpi cung in, a namthla tiah news site ah tial asi, a nupi tangka life insurance ah tangka tampi a ngeih mi cu, a duh ruang ah atu bantuk in anrak tuahnak asi, mah thil phan can hi June 2018 kum liam can kha asi, Turkish province Mugla ah umnak hmunhma nuam ngai ngai le mi tampi nih an visit tawnnak hmun Butterfly Valley ah a si.
Semra Aysal tlaknak kham hi feet 1,000 tluk sang asi, dam khawh dirhmun asi lo a fapuai mi he thi in char asi ko cang, Hakan Aysal nih hin kham sang in a nupi a namthlak hlan te ah hin, hman an thlak pi hna pin ah kham sang pawng te ah, selfie pi in photo lak pi asi, a ho hmanh nih theih lo in kham ah cun a tla sual ti phun in langhter an tim mi kha asi, nain amah cawlcang sual ah ruah mi a ho hmanh an um lo caah, Hearing ngeih hmasa bik ah Aysal hi kum 30 chung jail tangkhawh asi cang, nain ahnu ah a nupi cu mi tlamtling asi tuk lo, 99 phun a si tiah a chim kha asi.
4th Specialisation Department of Forensic Medicine ah medics hna nih cun, Aysal nih hin thil cang lio ah hin, zeihmanh harsatnak a ngei lo, lungthin lei zong atha tiah fehter asi, a hmu tu hna zong nih an nupa kar lak ah zeihmanh buainak an ngei bal lo tiin an chim fawn, Aysal nih hin a namthla taktak tiah fiang ngai in an hmuh kong an chim fawn, mah thil cang lio hi mi dang pakhat zong nih a hmuh kong a chim fawn, October 25 ah khan Fethiye High Criminal Court ah Aysal hi a kong ceih asi, a nupi thah case in dam chung thawngtlak ding ah bia chah piak asi.