North Korea le South Korea ram pahnih irem lo nak cu Ukraine buainak ah ahnuk lut ter cang,

Russia nih hriamnam an herh mi pek le Ukraine nih hriamnam an herh ve nak kong ah, pek ding in North Korea le South Korea hna cu, Russia-Ukraine buainak ah a hnuk lut ve bak khi asi cang, North Korea nih meithalpi kuan/bullet hna cu, Russia sin ah a kuat piak lai tiah thawng pang a um ruang ah cun, South Korea zong nih Ukraine sin ah a vawikhat nak ding ah, meithalpi kuan/bullet an pek ve cang lai kong arak phuan ve cawlh cang, November 10 ah khan the Wall Street Journal nih South Korea le US karlak arms pact tuah mi nih cun, South Korea cu Ukraine sin ah meithalpi kuan/bullet pek khawh lai tiah tarlan asi.

US nih cun South Korea lei ah atuahtu sin in 155mm meithalpi kuan/bullet cu, 100,000 bak cawk in Ukraine sin ah pek ding in ati, mah an pek mi bullet/kuan hi zar zei maw zat chung hman khawh asi lai tiah tar lan asi fawn, Ukraine ralkap hna nih Russia ralkap hna cu, a hramthawh lei ah ram region cheu khat hna an lak cang nak in,  an kirter than hnu ah Ukraine official hna nih cun, US he mah lei lam ah hin isiamremnak an ngeihpi kha asi, South Korea nih hriamnam US sin ah supply ding hi US cu, an hriamnam ngeih cia dither lo in Ukraine hriamnam bawm ding mi cu arak cawk piak kha asi.

Ukraine – Russia idohnak ruang ah hin, ramdang lei in hriamnam hna kawl le cawk khawmnak lam ah hmalaknak tarlangtu le pho zartu asi tiah a ti fawn, atu bantuk hin Ram pahnih North Korea le South Korea cu, Ukraine buainaka ah  hnuk lut an si veve khi asi tiah news report ah langhter asi, August thla ah khan Pentagon US nih 155mm meithalpi lei thil a ngeih chiah mi le an stock mi hna cu, an tlak niam deuh deuh ruang ah cun, atu bantuk in ram dang ta meithalpi kuan cawk in Ukraine an bawmnak asi, Mah biachahnak hi Ukraine ralkap hna nih an hman mi Howitzer kuan hna le thil dang hna cu Ukraine nih chiah.stock an ngeih ve deuh cang lai tiah an ti.

June thla ah khan Ukraine force te nih nichiar in meithalpi kuan 5,000 to 6,000 hi Russia thuatnak ding ah an herh kong tarlan asi, Russia nih cun nichiar in vawi 20,000 leng ahman tawn tiah tarlan asi fawn, April thla ah Russia nih Mariupol athuat ah khan Ukraine President Vladimir Zelensky nih South Korea cu hriamnam pek ding in arak hal diam cang kha asi, kha can lio ah khan South Korea nih Ukraine nawlnak cu hnawn piak asi ko hmanh ah, Hi arm deal nih hin thil aphan bal lo mi tiang langhter in, Europe ah idoh lio ram pahnih hna nih Asia ah ram ahuat tuk mi ram pahnih hna hriamnam tuah an hmang ve cang lai tinak asi.

US le Russia industry tha bik hna nih thil tuah khawh mi an langhter fawn, North Korea hi Russia lei ah tangin thlanglei ram hna cu, hruaiti sinak duh asi pin ah ram dang hna cung ah khawkhan lairel duhnak, policy an ngeih ruang ah Russia zong nih an ram humhim nak ding phun in, ralkap thazang a hmang tiin chim asi, North Korea nih military hmanrua le hriamnam a ngeih hna hi Soviet origin hna asirih ko, Russia ca zong ah North Korea cu hriamnam kuan/bullet lei supplier tha ngai ding asi fawn ati.

North Korea nih hin Russia sin ah Russia technology hna hal ve khawh in, missile le nuclear hriamnam abuaipi lio nak ah, an herh tuk mi Oil lei zong halnak ding lam tha ngai lio asi, pakhat ah cun North Korea le South Korea hna hi can sau tuk ral an si cang, mah karlak ah hriamnam phun phun le kuan/bullet hna tampi cu anrak ichiah ve ko lai tiah zum asi kong analyst hna nih cun an zumh fawn.

# EurAsian Times