Putin nih nikhat chung te ah Ukraine lak khawh an timh nain atu tiang an lak kho rih lo, atu zong faktuk in an idoh ngai rih lio asi, Nithum chung idohnak asi cang,

Nizan ah khan Ukraine khuapi minung 3 million hrawng umnak Kiev cu Russia ralkap hna nih lak khawh an zumh ko nain, Ukraine ralkap hna nih fak ngai in anrak thuat ve ruang ah an lak kho rih lo kha asi, “Friday Nightmare” tiin “Zan lungchiatnak” si ding ah an ruah, Khiev khuapi minung 2.8 hna cu zan an it khawh bak lo kha asi fawn, zan lio pi ah khan President Volodomyr Zelenskiy nih, “Ka tli/zam lo tu zan ah kan ral hna nih faktuk in akan thuat lai zan nuam lo bik can asi nain, fakpi in thuat ve hna u thai zing ah cun khuaceu kan hmuh than lai tiin biacahnak achim cu uar a um kho bak ko, Tuzing zong ah Kiev khuapi pawng ah bomb puak le meithal thawng theih ding a um tiin, Reuters, USA Today, Washington Post, CNN, Sky News, AFP le AP News hna nih an phuan khi asi, nihin hi ni 3 nak tiang Kiev khuapi cu Ukraine nawlngeitu hna kut ah a um rih ko, Interfax news nih meithal kah thawng a um peng rih, Ukrainian 198 thi cang tiin ngakchia le Nu zong an thi mi ah atel tiah ati, hriamhma ngei , 1,115 an um cang an ti, Ukraine Health Ministry cathanhnak ah langhter asi.

Russian President le PM hlun Dmitry Medvedev nih kan tim mi tlamtling hlan cu idin lo in kan thuat rih lai ati, Russian Defense Ministry thawngthanhtu Maj. Gen. Igor Kosnashenkov nih, “Ni 2 chung te ah Ukraine ralkap hmun biapi bik mi hna 211, Command Centers 17, Radar Units 39, Tanks 67, Jet 6 kan  hrawh piak cang ati, Azov Sea pawng Melitopol khuapi kan lak ati fawn” AP News nih Russia nih hin Ukraine hi missiles 200 leng in an kap cang ati, Russia nih hin scud missile le ballistic missile an hmang tiin achim, Ukraine Ambassador to US Oksana Markorova nih, nizan ah khan New York- ah media-pawl sin ah cun Russian ralkap hna 2,800 leng an thah cang tiah chim in, tanks 80 le Jet 9, Vanlawng 1 le Helicopter ral dohnak 7 kap chiat piak cang asi tiah achim, nain NBC News nih confirm rih lo ati,Markorova nih cun “Russian ralkap hna nih ngaktah cawmnak hmun ah lut in minung 50 hna cu ihuhphennak ah hman ding in an hruai hna ati, Russian ralkap hna nih sualnak ngei lo nunau hna nih an tuar ngai civilian cung ah kut kan thlak lo atimi hi lih asi ati fawn, Russia hi “War crime” ati.

Tuzing ah Kiev khuapi pawng ah Russian raldonnak Jet CHR-6 kah pia kasi ati, bia dik fiang hi theih ahar ngai rih aruang cu, idoh lio ah cun” war propaganda” hi aho ram hmanh nih media ah an pho zar duh khi asi ceu, Kiev khuapi cu Russian ralkap hna nih lak timh in fakpi in an cawlcang rih lio asi ko, an ralkap hna zong athi mi an tam ve fawn cang khi asi, Kiev khuapi chak le thlang ipehnak hlei (bridge) pawng ah Ukraine ralkap 200 hna nih cun Russia ralkap hna cu an khamh khawh ve rih ko, Kiev khuapi pawng mile 10 tluk ah fakpi in an idoh ngai ngai ko rih khi asi, Vinnytsia khuapi Ukraine alai hrawng ah bomb an thlak tiah theih asi, Shulyava khauapi zong ah tuzing suimilam 3AM ah meithal kah thawng vawi 50 theih asi, The Washington Post nih, Kiev khuapi pawng hrawng ah hin bomb puak thawng a um peng tiah ati, The Guardian (UK) nih, Kiev khuapi pawng ah “Kiev Zoo” ramsa dum pawng ah an ikap ngai ngai ati fawn, BBC nih Kiev khuapi “Maidan Square” ah bomb a puak a ti.

Troieshchyna khuapi chak ah um mi ‘Thermal Power Plant’ thuat asi, Peremonhy Ave-ah car c bomb in thuat asi tiah ati, CNN nih, Kiev khuapi thlang lei 20km nak Obolon-ah idohnak a um ati, Kiev khuapi chak thlang 120km hrawng ah um Cherkasy khuapi ah Russia ralkap hna nih lak khawh ding an ruah nain, an lak kho rih fawn lo, sain, Ukrane mipi 50,000 hrawng cu an zam cang Poland, Hungary le Romania an lut cang, mah hna cu US – NATO ralkap hna nih anrak dawn in an buaipi khi asi, The Washington Post nih Ukraine President Volodomy Zelenskiy cu, US nih cun himnak na herh asi ah cun Ukraine in kan lak khawh ding ah ready asi kong achim,ko lai ati, Zelenskiy nih Russia ralkap nih thah ding ah (target No. 1) kasi tiah ati, President Zelenskiy nih Kiev khuapi lei tum ding mi Russian paratroopers minung 150  acitnak an kah piak tiah achim, mah military Vanlawng hi IL-76 phun asi, kum 1976 in hman asi cang, raldoh ralkap 150-225 kar lak phur khawh mi asi, combat zone ralkap chiah tu asi.