Qatar 2022 FIFA World Cup suihnak ding ah stadium  an saknak hi minung 6500 leng nih an thih pi World Cup stadium cu,

Qatar 2022 FIFA World Cup suihnak ding ah stadium  an saknak hi minung 6500 leng nih an thih pi World Cup stadium cu,

Qatar ah tukum FIFA World Cup bawlung suih ding ah ni 3 long can aduh cang, bawlung an suihnak ding ah stadium an tuah mi cu, vawlei standard phak ding ah tuah mi asi pin ah, khuaruah har adang tein an tuah mi field le dawh ngai mi an si, mah vialte stadium an tuahnak ah hin atuahtu minung 6500 leng nih an thihpi khi asi, khuaruah har ngai mi thil a tling bak ko khi asi.

2022 World Cup tuahnak ding ah ahmun ngeitu Qatar ram nih cun, bawlung suihnak ding field hi 2010 in hramthawh in tuah asi cang, lampi thar, Airport thar, hna vialte he riantuan ding tampi hna cu, acan te ah dih khawh ding ah hin, India, Pakistan, Bangladesh, Nepal le Sri Lanka ram hna chung in riantuantu labours hna cu auh in, Bawlung field long si lo in lam thar, Airport thar hna tuah nak tiang ram dang riantuantu nih an tuan mi asi.

Hi rian hi an tuan hram thawh nak hi 2010 kum in 2020 chung ah hin, ram dang mi hna riantuantu minung 6500 leng hna cu, zei maw tuah sual palh ruang ah athi mi asi tiah report ah an langhter khi asi, minung an thi ning hi everage in zar khat ah hin minung 12 thi peng bantuk khi asi, India, Bangladesh, Sri Lanka le Nepal hna nih document an chiah ning ah, kum 10 chung ah an mah ram minung hi 5927 an thi tiah report ah langhter asi.

Qatar Ambassy ah tuan mi Pakistan aiawh nih a chim ning zong ah, Pakistan labours 824 athi cang tiah theih asi, atu ah hin Hi bawlung field dawh ngai ngai in kan hmuh mi hi, ruah tik ah achung ah minung nunnak tampi he kan thlen ti phun zong in chim khawh asi lai, Qatar ram ah Labours hna tel in minung covo sungnak le tuarnak vialte hi social media hna ah soiselnak le harsatnak tampi an ngeih lio khi asi tiah report ah langhter asi.

Qatar ram hi ram arum mi asi caah, labours mah vial athinak kong ah, buainak le mualphonak alangtuk lo bak tuk in an langhter mi asi, ataktak ah cun athi mi chungkhar hna cu an lung afak ngai ko.