Quad group Asia NATO ram hna nih Washington ah meeting ngeih ding mi cu China thin aphang ngai,

China nih Tuesday ah mah Quad ram ram hna le adang pawl cu ram pakhat le pakhat karlak buainak kong ceih ding in QUAD Group Washington ah meeting ngeih ding mi cu, pawngkam um ramhna buainak kong ah China hi aluling tuk caah, an kong zong ceih asi lai timi kong ah thin pahang ngai in a um ko, September 24 ah hin QUAD group US, India, Japan & Australia ai awh hna cu a vawi 1 nak ca ding Washington ah, hmai ton in meeting an ngeih lai, mah meeting ding kong hi China nih atheih ko, Tu hlan ah Beijing nih Quadrilateral Security Dialogue ‘cold war ideology ‘ tiah arak soisel cang cu mu!

Tuesday ah President Joe Biden nih Quad ram hna nih a vawi 1 nak ram hruaitu hna he iton nak a um lai tiah arak phuan ah khan, Chinese foreign ministry anrak au cawlh ve khi asi, international ah iremh lonak a um mi le hram thawh tawn mi hna a um caah, QUAD ram hna hi Indo-Pacific le South China Sea lei ah Beijing a lu ling tuk mi daiter ding ah timtahnak zong asi caah, mah QUAD ram hna hi atu bantuk in meeting ngeih an timhnak asi.

Chinese foreign ministry spokesperson, Zhao Lijian nih “Quad ram hna nih hin, an pawngkam ah um mi ram hna hi target hna hlah seh, ram dang buaiternak ah hman hna hlah seh ati, China nih khawika ram pawngkam ah um mi hna hi ipeh tlai dih kan si, nain ram dang lei hla ngaingai mi he peh tlainak in kan pawngkam ah um mi ram hna he tuanti hi atha deuh ati, china nih a chim duhnak cu US le Australia ram hna a chim duhnak asi, ram dang hla ngai mi he tuantinak hi sau akhan bal lo ati, China long nih Asia Pacific ram thanchonak hi atuan kho lo, pawngkam ah um mi ram hna he kantuanti ah cun ram athang cho ati.

China nih mah QUAD group ram hna hi aphunphun in an soisel ko hmanh ah, zei an rel piak hlei lo khi asi ve, meeting ah an ceih ding mi cu tlamtling tein an kalpi thiamthiam ko lai, achan cu South China sea Rilipi khi China ta bantuk in ngeih aduh ruang ah, apawngkam ah um mi ram hme hna cu zei rel lo in a hrocer peng caah mah QUAD Group timi zong hi arak chuahnak chan asi, mah Rilipi pawng ah ram ngeih mi hna cu China nih hmun kau pi cu anmah ta bantuk in ngeih atimh caah, mi dang lawng hna le Nga tlaihtu pawl Lawng hna hi an tlaih piak acan ah an dawi hna tawn khi asi, mah caah cun China nih ram pakhat cung ah Upatnak ngei bak lo in acawlcang tawn mi cu, ram hme tete hna caah hnangamnak angei ve khawhnak hnga QUAD Group hi dir asi.