Ralpi chuak ding duh lonak langhter in fakpi in lamzawh hna tlaih asi pin ah an ram chuah tak atamtuk cang alak in thi an duh ti lo,

Atu lio vawlei Russia nih an buaiter dih kan ti zong ah kan palh tuk lai lo, Russia cu a buaithlak ngai ko cang, thla 7 chung Ukraine an doh ko cang nain, an tim ning in thil akal lo tik ah, atu ah hin rapthlak ngai in cawlcang tim asi ruang ah vawlei abuaiter bak ko cang khi asi, President hlun Dmitry Medvedev nih President Putin nih Nuclear Weapons hman ah West pawl, a hrocer cu a ati sawh sawh mi asi lozia arak chim ve chih bak ko khah! Russia nih strategic weapons an ngeih ah Putin’s Sarmat missile thar a ngei fawn, Medvedev nih ‘weapons based on new principles’- a timi hi hypersonic technology a si lai tiah zum asi.

Western le NATO hna nih hin Russia nih a kal nak lam athim ko cang tiah an theih a her cang ati nain, Liz Truss,  UK Prime Minister, nih Russia hrocer nak cu West pawl nih zei an rel piak lo tiah, UNGA meeting chung ah a leh bak hna, US President Joe Biden nih” Russia’s aggression lak ah hin West pawl kan tang rual ngai ko, Nuclear Weapons war ah cak/thawng deuh an um khawh lo, mah hriamnam phun hi hman bak lo ding asi ati, Putin nih Ukraine province 4 an lak cang mi ah referendums fek ngai in kalpi atim, Mehedev nih hma laknak ding Telegram ah arak post kha asi.

Results of the decisions of the Supreme Commander-in-Chief of 09/21/22, 1. Referendums will be held, and the Donbass republics and other territories will be admitted to Russia, 2. The protection of all the territories that have joined will be significantly strengthened by the Russian Armed Forces, 3. Russia announced that not only mobilization capabilities, but also any Russian weapons, including strategic nuclear weapons and weapons based on new principles, could be used for such protection.

Russia-ram chung ah ral doh duh lonak langhter tu mipi tampi tlaih asi,

Russia-nih Ukraine-ah ralkap ting tampi kalter than in rapthlak ngai in cawlcang timnak cu, an ram chung mipi nih an duh lo tuk ruang ah, mi tampi hna nih duh lonak langhter in, Russia ram hmun dang dang ah protest or demonstration atn tuah hna, lamzawh hna chung ah mi tampi hna cu, police-hna nih an tlaih hna, Russian human rights group OVD-Info nih cun, police-pawl nih minung 1,300 leng an tlaih cang tiah achim, mah chung ah hin tampi hna cu, St Petersburg le Moscow-chung ah mi hna an si, Irkutsk le Siberian khuapi dang hna pin ah, Yekaterinburg-zong ah mi tampi tlaih an si tiah report ah an langhter.

Thursday ah Putin nih ralkap thazang hmang in fakpi raldoh tim asi tiah achim hnu ah, Russia chuahtak ding flight ticket zong an zuar dih cawlh kha asi, Russia President nih Ukraine ram an lak cang mi hna zong an hloh than dih, Ukraine nih an lak than dih ruang ah, rapthlak tak in cawlcang than atim mi asi, ralkap reserve zong 300,000 leng ral dohnak ah kalter asi lai tiah atimi kha asi, an ram chung mipi hrimhrim nih Putin thil tuah tim mi hi an duh bak lo mi asi, mahruang ah mipi asum kho ti lo ruang ah atu bantuk in an ram chung ah fakpi in duh lonak langhter asi.

Moscow prosecutor office nih sianh piaknak ngei lo in khuachung ah lamzawh maw, mah chung ah a tel ve mi maw, mah bantuk hna kum 15 tiang thawng/jail thlak khawh asi tiah nawl achuah, mah hna hi Armed forces hna soisel ah puh asi pin ah bia dik chim lo mi hna an si tiah case tuah piak khawh asi an ti, Acoyah nih nawl an chuah ko hmanh ah, ral doh duh lotu pawl, Vesna nih cun fakpi in lungawi lonak langhter ding in mipi hna an sawm deuh deuh khi asi.

Russia le Ukraine-nih thawngtla 300 hrawng an ithlen, Russia le Ukraine-hi thla sarih dengmang an idoh cang hnu ah, zeihmanh phuancia um lo in thawngtla 300 tluk an ithlen veve, thawngtla an ithlennak chung ah hin,United States, United Kingdom le Morocco mihna zong an tel, cheu khat cu Ukraine ram ah tlaih an si hnu ah, thi ding ah biachah piak cang mi hna an si, Russia nih Ukraine mi an tlaih chung ah 215 an chuah, mah chung ah Ukraine chaklei lawng dinnak khuapi Mariupol venhim rian taunt, commander 5 zong an tel, A thlen nak ah Ukraine nih Russia mi 55 an tlaih mi hna cu an kuat ve fawn.

Thawngtla an ithlennak ding ah an iremhnak tuahtu hi, Saudi Arabia le Turkey ram hna bawmnak in tuah mi asi, “Kan ram le zatlang caah teinak ropi ngai mi asi, A pawimawh bik cu chungkhar 215 hna nih an dawt mi chungkhar he an iton than khawh mi hi,” tiin Ukraine president Zelenskyy nih achim, Turkey president Recep Tayyip Erdogan bawmnak ruang ah lawmnak bia achim fawn, Russia ram chung ah raldoh duhlo mi cheu khat nih, anti- war demonstration an ngeih lio ralkap ah lut duh mino rual recruitment center ah an kalkhawm hna, raldoh hi adongh rih lai lo siin alangrih ko, Vawlei ram hruaitu hna zong an buai ve bak ko cang, world war hi a chuak hrimhrim ko lai tiin alang fawn cang.