Ram pakhat chung ah mah tluk in minung le ram nih buainak faktuk in angeihnak le atuarnak aruang cu Biden fel lo ruang ah asi “Donald Trump”

Afghanistan ah Taliban hna anrak sosangnak le Afghan acoyah tlakter duh in, hriamnam thatha le hmanhkhawh mi poh hmang in, mipi nunau zong chim setsai lo in buainak faktuk in anrak chuahter khi asi, mah kong ah hin Donald Trump nih cun Joe Biden nih thil tuaktan thiam lo ruang ah atu bantuk in minung tampi nih an thihpi pin ah in le lo ngei lo in ming 2.5 million an um cang tiah ati, Pakistan le Iran etc ah anzam hna, US led coalition an chuahding ah hin Biden nih , Americans tangka Trillion tampi atlauter pin ah, Afghanistan acoyah bawm an tim ti lo zong ah, America nih hin Afghanistan ralkap salary le hriamnam tampi an pek thiamthiam peng ko tangka adih thiamthiam ati.


Liberal media “The Washington Post” in Biden Mexico border a illegal migrants lut tamtuk mi cu, Biden nih felfai in plan angei lo ruang ah asi, Trump policy a hrawh , zei hmanh hmalaknak thar a um fawn lo, 2022 Mid terms elections ah hin Democrats nih an tlak pi khawh ko an ti bantuk in, Trump nih Biden cu Afghan policy ah faktuk in arak soisel than ko.

Trump hi “Atu ah hin President siselaw US nih Afghanistan Withdrawal hi abuai bak lai lo, plan zei zong vialte le felfai tein tuah asi lai, US led Coalition Withdrawal ding hi keimah nih ka can lio ah, Taliban hruaitu hna ka chimpi hna, Taliban leaders hna nih zei poh poh theithiam in, Rem/daihnak a um kho khi asi, nain atu ah cun zei zong vialte hi buainak asi dih ko cang, Taliban hna kan ibiakchawnh lio bantuk in thil kal selaw zei hmanh theithiam lonak a um lai lo ati.


Donald Trump hi election ah tling lo in um ko hmnah selaw Republicans in, Democrats pawl hi akal dik khawhnak hnga soisel pengtu asi, mah an soiselnak hi an ram tha te in kal seh tihi aduh ruang ah asi, Biden hi ahuat ruang le soisel duh hrimhrim ruang ah si lo in, America le Vawleipi remdaihnak umse tihi aduh bik mi asi.