Russia cawlcang ning hi a over deuh cang G-20 Summit Indonesia ngeih nak ah an siktuk nak ah achuak ko khah!

Russia cawlcang ning hi a over deuh cang G-20 Summit Indonesia ngeih nak ah an siktuk nak ah achuak ko khah!

Russia Ukraine invasion boruak ah G-20 Minister Summit Indonesia meeting nak ah, an soiisel/an siktuk hna ruang ah, Russian Foreign Minister Sergey Lavrov cu a chuak tau bak ko khah a ningzah tuk ruang ah bia leh ding zong theih setsai tilo caah achuak tawp khi asi,  an sik ning cun Japanese Foreign Minister Yoshimasa Hayashi, nih “international community hna nih Russia cawlcang ning le civil minung hna cung ah nun thurhnawm tuk an hman mi hi, doh hna u sih tiah ati, Pin ah an fakpi in hrem phu asi ruang ah hremnak an ngah te lai! Ati, U.S. Secretary of State Antony Blinken nih “Russia nih Ukraine hi nan ram asi lo timi hi nan theih ko lai cu maw? Zei ruang adah Ukraine tipi kam lawng chuahnak hna nan block, Ukraine grain hi nan ta asi lo, tiin faktuk in asik bak khi asi.

Nizan ah kanrak langhter cang mi Alaska cu kan ta asi ati than cang “Alaska Is Ours” timi hi Russia city 1 ah, tial in tar mi hmuh asi, mah cu Internet hmang tu hna nih an larter ngai ngai/ shock khi asi, nizan te ah khan Russia Parliament in Alaska, US kut chung in lak than asi lai tiin arak hrocer kha asi, Alaska hi 1867 ah khan Russia sin in America nih Alaska hi an cawk cang kha asi, “Alaska is Ours” ti hi  Krasnoyarsk, Yenisei River, Russian region, Siberia ah asi, Newsweek, report ning in billboards ah an tial an hmuh ah hin  Krasnoyarsk ah um mi hna nih mak an tin gai hna, mah khua ah Restaurant ngeitupa Vladimir Vladimirov zong nih Local media NGS24 sin ah “patriot” cheu khat nih an order asi tiin achim.

Alaska timi hi local company min arak si, Russia’s lower house of Parliament Duma Vyacheslav Volodin nih ALASKA lak than ah arak hrocer fawn he, internet users hna nih Russia ta thiamthiam ah an ruah mi khi asi, European Union hna nih Ukraine hman ding ah 1 Miliion Euros Helmets le Body Armor an pek than, US President Joe Biden nih Ukraine bawm than nak ding ah $400 Miliion man hriamnam pek nak ding ah sign cang fawn, HIMARS MLRS 4 le a mu/kuan a tel lai, ti hin HIMARS 12 Ukraine nih an ngeihnak ding asi cang.

American Institute for Study of War for July 8: Russia nih Sloviansk chak lei in an thuat hna, Siversk in  Lysychansk an thuat hmanh ah ram lak an ngei lo, Ukraine T2117 highway kal ning buaiter timh in, Dementievka ah Russia an cawlcang Kyiv ralkap hna buaiter an tim nak khi asi, Kherson-Mykolaiv border  & Kherson-Dnipropetrovsk region ah Russia nih position an hloh/palh bak ko, idohnak afak chinchin ko cang minung khat lei khat lei nih an tuar ngai cang, ralkap ah cun Russia ral kap hi athi tam bi kasi tiah report nih tar lan mi asi.

Russia cawlcang ning hi International hmuh ning ah adik lo ngai mi thil asi timi hi ram tampi le mi tampi hna nih mit in fiang ngai ngai in an hmuh ceu ruang ah, Russia nih mah bantuk civil cung ah thilk an tuah lo tiah apheh twan ko hmanh ah aho hmanh nih an zum taktak ti lo khi asi, cun zei ruang adah mi ram lak an duh timi le vawlei ralapi pathum nak hi Russia nih hin chuahter teng teng an tim mwa sihnga timi hi Analysts hna nih an hmuh ning le an ruah ning zong asi tiah media site ah arak langhter ve hna khi asi, cu ti asi ah cun Russia ram hi zei tin dah kan tuah lai timi hi, G-20 summit zong ah an buaipi bik mi khi asi cang, mah kong he peh tlai mi news Update fiang karak langhter than ko lai, atu cu mah vel hi si ko rih.