Russia cu a uah ning bantuk in tlamtlinnak angeih lo caah thazang ader deuh cang rua? China sin ah bawmnak ahal ko cang khi asi, US nih China cu nan bawm lai lo ati,

Atu ah hin Rome khuapi ah US le China aiawh hna an ichawnh lio asi, Russia nih hin fawite in Ukraine hi lak khawh an zum lio ah an ruah bantuk in thil akal khawh ti lo, Ukraine nih hin Juda tlangval raltha ngai mi President ah anrak ngei zeihmanh tihnak ngei lo anrak ngei mi hi an vanthatnak pakhat asi, Cun an khuapi Kyiv Mayor caah, Former World heavy weight Boxing Champion raltha ngai ngai mi angei fawn, Russia nih aruah bantuk in fawite in an lak khawh lo caah, an ralkap hna le hriamnam tampi Ukraine lak ah an sung ngai ngai deuhtu khi asi, mah lio ah thlanglei ram Allies hna nih economics lei ah an phih/hren cuahmah lio asi fwan tik ah, Putin hi a thlite in abuai ngai ve ko cang timi hi theih khawh asi, atu dirhmun ah cun Russia chanh khawh ding ah China long hi a um, US intelligents hna nih an chim mi cu Putin nih hin China sin ah bawmnak ahal tiah an theih, US nih hin bawm lo ding in China warning a pek cawlh fawn khi asi.

China nih hin Putin hi an bawm lo ah cun, Russia dirhmun hi ader thawng ngai laic aah idoh peng hi an tlin lo ah cun, remdaihnak ding ah ibiakchawnh hi an duh ko lai tiah zum asi, Moscow lei nih cun US puhnak hi asi lo tiah an ti ve fawn, China nih hin Russia hi an bawm taktak asi ah cun, mah idohnak kong ah hin buainak achuak lian deuh deuh ko lai timi hi asi, mithiam hna ruah ning le tuaktan ning zong asi, Russia ralkap tlangval kum 22 mi nih achim ning ah Putin nih Ukarine Invasion hnu ah, Russia ralkap azam mi hna reng reng cu kah thatding ah “Death Squad” a ngei tiin a chim, Kum 22 mi hi a min tar la nasi lo pin ah an phone ken mi zong international news nih an rel khawh lonak ding ah, chuh piak an si tiah ati fawn, Russia ralkap dang pakhat nih cun ‘peacekeepers’ bantuk in an luhter in Ukarine dohter an si tiin achim fawn khi asi.

Kyiv Mayor raltha tuk mi Ukranian Freedom fighter Heavy weight Boxer Wladimir Klitschko le Vital hna nih An khuapi venhim asi lai tiin an phuang Venhim peng an tim fawn tiah an phuang bak ko, Russia nih hin zei bantuk Strategy zong Apply hmanh ah Ground level ithuat nak ah Ukranian cu ram chan ding in adonghnak tiang hma kan lak ko lai tiah an ti, Russian force hna hi an derthawng deuh ko cang tiin alang, NATO le US lei nih hriamnam, food Aid lei hna an support peng fawn caah hin Russia ralkap hna hi an duh ning in an cawlcang khawh lo, an mah leitu ralkap hna hi nunnak aliam mi hi an tam deuh tiah news report ah langhter asi.

World War -3 a chuak sual lai tihi thin phan ngai asi, US le NATO lei nih Fighter Combat tha hna anrak  supply ah cun Ralpi War a chuak cawlh khawh khi asi, “Spark neglect burns the house,”Ram hruaitu kum note le raltha ngai mi, Ukraine President Zelenskyy, Politics lamzawh nak ah thil tampi a thei rih lo mi angei ko hmanh ah, An ram chanhnak ca ding ah cun ram hruaitu tampi nih an chim ngam lo le an au pi ngam lo tampi hna raltha ngai ngai in an auhpi khawh, an ral thatnak cu Vawleipi nih kan hmuh deuh deuh peng ko cang khi asi, Vawlei cung ah raldoh athiam ngai mi Military power thawng ngai mi ngei Russian tih bak lo in an challenge ngam bak mi cu vawlei ram hruaitu hna nih mak an tin gai mi khi asi.

Britain Prime Minister zong nih Russia cu fak nawn in a hrocer ve bak fawn, NATO ram pakhatkhat chung ah hraimnam or bomb alut bak ah cun Russia cu alet in an tuarte lai tiah ati, Atu ah hin UK nih Ukraine ram caah Anti-missile tampi an kuat cang hna pin ah an kuat peng rih laikhi asi, mah hriamnam hna cu Ukraine nih san tlai ngai ngai in, Russia ralkap le Tanks hna anrak hrawh piak vetawn khi asi, atu zong ah an idoh peng lio khi asi, Atu ah hin Ukraine Nungak dawh ngai mi hna zong an ram chanhnak ding ah meithal kah training pek cuahmah lio asi fawn cang, Cun ram dang in Ukraine bawm ding ah hin volunteer in Ukraine ram chung ah minung 20,000 leng an lut cang tiah news ah tar la nasi.

Ref: Daily Mail