Russia hi an duh ning in an cawlcang kho lo nak chan le hriamnam dang chim lo in Russia nih Missile hi 30% long angei cang,
Defence experts hna nih an tarlan ning ah cun Putin nih Ukraine a thuat/dohnak ah missile an ngeih mi chung in 70% hrawng hi hman/sung asi cang tiah an langhter, Bulgarian investigative Journalist, Christo Grozev le Russian investigator hna pin ah, investigative website, Bellingcat hna nih cun, Kremlin nih Ukraine an doh hnu ah missile 1000 ah 30 hrawng long an ngeih cang tiin tarlan asi, Bulgaria-ah communist san lio ah radio reporter riantuan tawn mi Grozev nih cun, Russia nih missile a ngeih mi chung ah 40 longte ralkap hna nih an operate cang tiin achim, Ukraine an dohnak ah Russia nih Missile tamtuk an sung cang tiah news site dang dang hna zong ah langhter asi.
Christo Grozev nih Russia cu an missile ngeih mi chung in 100 ah 70 an sung cang tiah ati, achan cu Ukraine nih an kah piak long si lo in missile tampi an chiahnak cu Ukraine nih an kah chiat piak ruang ah asi tiah an ti, mah long si lo in aho nih dah Missile hi azohkhen titian in an theih piak tiah chim asi fawn, mah bantuk thil sining hi asi ruang ah hin, Russia ah hin hardware long si lo in, software tiang in an tlachiat phah ngai ngai tiah an ti, Grozev nih cun chak lei khuapi Mariupol-idohnak ah Russian ralkap hna nih teinak an ngah khawh ko nain, Ukrainian ralkap hna tei ding ah cun thil fawi cu asi lai lo timi hi vawlei Analysts hna hmuh ning le tuaktan ning asi.
Russia cu athin ahung deuh deuh Ukraine sin ah hriamnam pek ti hna hlah u ati,
Russian ambassador to Washington nih US warning pek than in, Ukraine hi hriamnam pek peng ti hna hlah u tiah chim asi, US Top Diplomats US Secretary of State Antony Blinken & Defense Secretary Austin hna nih Kyiv ah kal in hriamnam cawknak ding ah tangka tampi an pek fawn hna, tiah Reuters reports Anatoly Antonov Rossiya 24 TV channel interview nak ah chim asi, United States of America sin ah hin vawi tampi, Ukraine sin ah hriamnam pek ti lo ding ah nawlnak tuah taw nasi, atu zong ah kan nawl than hna, hmai lei ah thil tha lo chuah palh tih nung asi tiah ati, US secretary of state Antony Blinken’s nih media briefing Poland Ukraine border ah ngei in “Russia nih Ukraine an dohnak hi tlam atling lo asung ko timi hi afiang ngai ati, hriamnam thatha tampi an hman ko cang thla 2 leng chung ah khuapi pakhat te hmanh an lak kho lo ati.