Russia nih thinhunnak alanghter fawn cang nihin hi ni zahnih kul le riat idoh cang nak asi thawngpang tlangpi cu,

Russia missile nih Ukrainian city of Zaporizhzhia mipi umnak an kahnak ah minung 17 an thi tiah theih asi, Anton Gerashchenko senior presidential adviser to Volodymyr Zelenskiy nih, Reports hmasa an ngah nak ah achim mi cu, minung 40 tluk hliam hma ngei tiah ati, Adviser to Volodymyr Zelenskiy, Mykhailo Podolyak nih Twitter lei ah Crimea bridge cu, Ukranians hna nih hramthawhnak cawlcangnak long asirih ko e tiah ati, “Everything illegal must be destroyed, everything that is stolen must be returned to Ukraine, everything occupied by Russia must be expelled.”

Zelenskiy nih Ukrainians ralkap hna cu Bakhmut hrawng ah, Russia he an ithuat/dohnak ah, square kilometres tampi an lak than khawhnak ding ah beiseinak thar angei deuh deuh a pek, “We are holding our positions in the Donbas, in particular in the Bakhmut direction, where it is very, very difficult now very tough fighting.” Ukraine Ministry of Economy nih thla 9 chung ah Ukraine economy 30% in a tla an ti.

Crimean lei ah thil puak hnu ah bridge zong achia ve cawlh, Crimean peninsula le Russia kalnak um chun, hlei/bridge sau ngai cung ah tanks lorry a puak tiah, Russian nawl ngeitu hna nih an chim, mah thil puak ah hin apawng ah, tlanglawng kalnak lam zong akang chih pin ah, motor kalnak cu achia cawlh tiah report nih alanghter, Crimea hi kum 2014 in Russia-nih an lak mi kha asi, atu ah hlei achia mi hi Ukraine-ah idohnak um lio hmanh ah, thil tampi herh mi tete laknak lampi bik pakhat asi.

Mah bridge hi Russia caah poimawh bik le Russia an ropinak langhtertu pakhat asi, Kum 2018 ah khan President Vladimir Putin-nih ong nak a ngei, Crimea cu Russian ta bantuk in ruahnak alanghternak asi fawn, Russia idohnak kal cuah mah lio ah, Ukraine chak lei ah ralkap hna hmun ah hriamnam le thil dang hna pek nak lampi pakhat asi, Ukrainian nawl ngeitu hna nih, peninsula lak than an timnak mah bridge hi, an kah timnak pakhat asi tiin a chim ve fawn.

Russian ralkap tampi umnak hmun asi mi, Crimea-ah atu bantuk thil chiatnak aphan mi hi, Kremlin caah cun mualphonak lian bik atling khi asi,  mah bridge hi Ukrainian-hna nih an duh lo ngai mi asi, Social media-zong ah bridge a kang chia tiah thawng pang an theih ah hin, an lawm ngai ngai tiin an tarlanghter hna khi asi, mah bridge lei ah hin zei bantuk motor le train hna zong kal rih lo ding in stop rih asi.

Crimea-chung ah nawlngeitu hna nih cun Russia le peninsula karlak ah hin lawng service-ter zawkzawk ding ah timtuah asi tiah aphuang ve cawlh, Russia-ah National Anti-Terrorism Committee (NAC) nih “Moscow can ah tu zing, suimilam 6:07 (India-ah Saturday zing suimilam 8:37)-ah Taman peninsula lei, Crimean bridge-ah thil phur a puak kha asi, Crimean peninsula lei kal fuel tank pasarih a kang dih asi, motor kalnak hi achia dih tiah chim asi.

Crimean parliamentary speaker Vladimir Konstantinov nih, Ukrainian-hna nih atuah chiatter tiah ati, President Putin-zong nih hlatthlai ding ah nawl a pek cawlh, Ukraine lei nih cun, Crimea le Russia karlak kalnak lam chia hi an lawm ngai tiah social media hna ah tarlan asi, Ukrainian acoyah Twitter-zong ah “Sick burn,” tiin an tar lang fawn, President Zelensky- adviser, Mykhailo Podolyak nih hi hlei/bridge chia hi ‘Hramthawhnak’ tiin a chim, nain Ukrainian-hna thil tuah asi timi belte cu a chim lem lo.

Ning cang lo in thil tuah mi rengreng chiatter dih asi lai, thil fir mi zong Ukraine-ah lak kir dih asi lai, Russia-nih an umnak hmun hna cu thawl/dawi dih an si lai tiin, Twitter-ah tar langter asi, Ukraine defence ministry nih bridge ah thil puak cu, chiatnak ding hramthawh asi, Ukrainian Crimea-ah Russia nawl ngeih nak langhter nak lian pahnih cu athi cang, tiin a tar lang fawn, zei thil dah arak chuak than te lai? Ati.