Russia President Vladimir Putin a lung rethei bak ko cang, aho hmanh nih an chawnh kho bak tilo an ralkap Officer hna nih,

 Zar hmasa ah Russian ralkap hna nih Kyiv le Chernigiv khuapi lak hrimhrim tim asi lio ah, athuattu hna nih rangtuk in an kir tak ah khan Russia nih Ukraine lak a timnak ah tlamtling lonak le acak lo zia langtertu pakhat asi, Russian ralkap hna nih an kal tak mi an hawi ralkap athi mi hna ruak fim ta lo in an kal tak kha asi, an Idohnak tank le ralkap motor hna lak tlak bak ti lo akhanghdih cang mi hna nih cun, Russian ralkap hna lungdonghtertu bik asi fawn, mah lio ah an President Putin thinhun cu alin in alin bak ko, A hmasa bik caah Russia nih Ukraine a thuat hnu in ni 37 nak ah Ukraine helicopter e nih Russian Oil Depot, Belgorod ah um mi cu an bomb khangh piak cu, Putin ruahnak pin bak asi, Ukrane ralkap hna zong nih Russia ram chung ah an cawlcang khawh tiah langhtertu asi fawn tik ah, Belgorod hi Russia thlang lei Ukraine ramri in 40 KM hlatnak ah um asi.

Minung sang tampi thinak le hriamhma ngei mi an tam fawn, faktuar mi hna sizung ah thih le dam karlak ah zei maw zat an um fawn, Ukraine nunau ralzam minung billion in anram pawng hna ah an um fawn, Europe ram dang dang le USA tiang tampi an kal cuahmah fawn, mah hna vialte tuartu hna cu amah ruang ah asi timi cu afiang ngai cang fawn, Puh ding dang zeihmanh a um bak ti lo, Amah advice pektu, “Ni 2-1 khat ah Ukraine cu lak mai ding ah chimtu, Russian Army Chief Valery Gerasimov le Ukraine an thuat hlan ah azum bik mi cu, (indispensable) ah Defence Minister Sergei Shoigu-hna pahnih cung ah hin a thin ahun ngai ngai fawn, mah pahnih hna hi zarhnih chung cu mipi hmai ah an lang fawn ti lo, thawngpang ah cun, Army Chief Valery Gerasimov hi cu hrem asi tiah chim a um fawn khi asi.

Putin nih Liberal Adviser a ngei lo:-European Intelligence-hna nih an theih ning ah cun Putin cu athin hun tuk ruang ah, a Adviser-hna zong nih zei hmanh bia achim piak ngam ti lo tiah an ti, White House Communication Director Kate Beding Field chim ning ah cun, “A Senior Adviser-zong nih Putin cu bia dik achim ngam ti lo, an ram ah hin zeithil dah acang, thil kalcuahmah lio zeidah asi timi hna le an ram ah biachahnak tuah (decision-making mechanism) hi an theih phak ti lo khi asi, acoyah kal ning (working style) zong theihthiam ti lo tiah ati, Putin nih hin mi tlawmte long achawnh, amah nih achawnh duh mi mawimawh tlawmte amah hmuh khawh in a um mi, mah hna zong nih amah cu naite ah si lo in, hlat deuh nak ah biakchawnh khi asi, Vladimir Helman, Helsinki University ah Russian politic Processor nih, “Kremlin cu Solar system bantuk hi asi, Putin hi ni/sun bantuk in alai fang ah a um, arsi (planet) dang dang hna nih an mah lam ceu (orbit) ah kal hual bantuk khi asi tiah an ti.

Kum tamtpi chung Putin caah zumtlak (loyalists)-hna longte cabinet-ah hin thim an siruang ah, Putin hi raltha ngai ngai in advice petu fim an ngei ti lo, A taktak ah cun Crimea War Febuary-March, 2014 in Russia ram ah hin Liberal Adviser hi an um tilo khi asi, a um chun mi hna zong nih an ram hi an chuah tak peng khi asi, An mah chung ah lar deuh Russia ram ah um chun chung ah, Anatoly Chubais, Boris Yelsin Privatisation Chief le Putin Environmental Adviser si lio zong thla hmasa ah khan a bang cang, Turkey lei ah a kal daih khi asi, Cun, acoyah economic adviser sitawn atu ah Skolkovo Foundation head zong interview-nak ah acoyah a soisel ruang ah bang cang ding ah ti asi ruang ah abang fawn cang, Liberal adviser dang Alexi Kudrin, kum tampi Putin he naite ah um tawn mi zong nih, Ukraine a thuat hnu te ah hin Putin cu a chawnh, mah idohnak ruang ah, Russia Economic in a tuar ning ding le an ram economics chiat lio kum 1990 dirhmun bantuk khan hnulei akirthan te lai, mah cu khua thlanglei nun ah derthawnnak ( social destabilise) a phanter lai tiin achim piak, mah bia cu Putin nih zei arel piak lo kha asi.

Putin chawnh kho tlawmte long an um:-Putin telephone he chawnh kho mi tlawmte long an um, An ichawnh ning zong ah lam pakhat (one way) longte asi, Amah nih achawnh hmasa lo ah cun aho hmanh nih an chawnh hmasa bal lo, Ukraine a thuat hnu ah cun security council le war-time Cabinet, stick tuk in kalpi duh mi pawl long (mostly hardliner) hna ah meeting a ngeihpi can zong ah video conferencing hmang longte in meeting pi taw nasi, mah chung ah lar deuh mi hna cu-Nikolai Patrushev KGB Officer hlun, Alexander Bortnikov FSB Head le Sergei Shoigu Technocrat Defence Minister le Sergei Naryshkin Foreign Intelligent Head-hna an si.

Hramhram in Russian ralkap lak hna cu:-A hramthawh ah an chim duh lo kha asi, Russia acoyah nih mino hna cu hrmahram in ralkap ah lak mi hna (conscripts) cu Ukrane idohnak ah an kal ter tawn timi zong atu ah cun an chim dih ko cang, Ukraine ralkap hna nih hin mah hramhram in ralkap ah lak mi hna cheu khat cu, an tlaih mi hna an si, cheu khat hna cu thi lak in an kap tiah theih asi, An tlaih mi hna sin in thil tampi anrak theih kha asi.

Cre: Moses pa