Russia ram cu an sung tuk cang lai hih! Russia oil 70% in an sung cang lai tinak asi,
Russia ram cu an sung tuk cang lai hih! Russia oil 70% in an sung cang lai tinak asi,
European Council hna nih cun Russia oil 70% imports in cawk piak tilo ding in biachahnak tuah asi cang caah cun, Analyst mithiam hna tuak ning ah cun Russia Federation nih kumkhat ah hin, 22 Billion asung/hloh lai ti asi, Russia sea pipeline in tangka an sung ding mi hi,10 billion hi kumkhat ah an hloh/sung lai, Poland & Germany nih Druzhba oil pipeline an tawp/donghter hnu ah le bang ah cun,12 billion an hloh/sung cang lai tinak asi, Putin nih hin an ruah ning in thil akal khawh ti lo tik ah, an sung ding mi hi alet hnih bak asi lai, aruang cu Ukraine an dohnak ah hin an ram kum khat Budget zat tluk hi atu ah an sung/hloh cang khi asi.
Putin ruah ning ah cun Ukraine an doh nak ah hin hriamnam tampi an sung ko hmanh ah, an ram chung chuak mi Oil man nih hin kum hnih khat ah Economic hi a cover te ko lai timi hi Putin tuaktan ning asi? Sihmanselaw atu ah ram dang hna nih thil tampi ah sanction/phihnak an tuah mi zong ah khan Putin nih cun apawi lo tiah zei rel bak lo in aning te in idohnak zong an kalpi thiamthiam ko kha asi, European Council meeting ah Russia kong hi bia taktein ceih arak si tik ah atu bantuk in, Russian Oil hi t uhlan ah anrak cawk piak mi hi 100% asi ah cun, atu ah hin 70% hi cawk piak ti lo ding in lungrual tein European nih biachahnak an ngeih ruang ah cun, Russia ram Putin caah cun sungnak longte dirhmun ah dirtertu asi bak ko cang lai tiah Analysts mithiam hna nih atu bantuk in an chim mi asi.
Atu zong ah hin Ukraine President Volodymyr Zelenskyy nih achim ning ah hin, Kharkiv khuapi le region-dang hna ah building 2,229-tluk hi Putin ralkap hna nih, an bomb chiatter cang, nain mah hna vialte hi athar in sersiam than dih asi lai tiin Zalensky nih Media hmai interview nak ah report a pek ning le achim ning asi, Battle for Donbas ngeih cuah mah lio asi, Russia nih thazang thar in hehset bomb he an thuat peng rih ko caah, US nih hin Ukraine hi zei bantuk hriamnam dah an pek than te lai? Chim thiam ahar rih ko, Russia kap phak khawh mi Missiles an herh kong Zalensky nih NATO hna sin ah vawi tampi an chim hna cang khi asi, Russia hi zei tiang dah an cawlcang khwah lai? Asi lo ah Ralpi 3 nak hram thawh maw asi lai? Timi hi vawlei mi thiam Analysts hna nih an ruah liopi asi.