Russian ralkap hna nih anrak tlaihhrem tawn ruang ah tlaihhrem an ton lo nak hnga Ukraine Nungak hna nih sam toi deuh in an met/cut asi,

Russia le Ukraine hna idohnak karlak ah cun, idoh kahnak long si lo in sualnak ngei lo mipi hna tiang in anrak tuar tuk khi asi, Ukraine mipa hna nih ral an doh lio ah nunau hna cu himnak kawl in aremnak poh ah an um ve hna khi asi, mah lio ah cun Russia ralkap hna nih khuachung ah nunau umnak hmunhma hna cu missile he an kah pin ah, an luhhnawh hna tawn khi asi, mi nupi zong um lo, nungak zong thlei dan nak um bak lo in nu an hmuh mi poh cu, titsa duhnak in tlaihhrem taw nasi timi cu social media hna ah tampi hmuh ding arak um ko, abik tak in ngakchia le nu hna hi an him lo ngai ngai tawn, anrak tuar taktak khi asi, an tlaihhrem hnu ah thah tibantuk hna Nu kum 12-18 tiang le mi nupi hmanh an him thlei lo khi as atu ah thil dika lang deuh deuh ko cang.

Russian ralkap hna nih mah bantuk cun Ukraine nunau hna cung ah tlaihhrem atlung/phan peng ruang ah cun, Deputy mayor of Ivankiv nih Ukraine nunau hna nih an duh zong ah duh lo zong ah, an sam sau ngai mi cu tan (cutting) lo awk tha lo dirhmun ah anrak dir tiah achim,Ukraine nunau hna nih an sam an tan/cut nak chan ah hin, Russia ralkap hna nih an tlaihhremnak lak ah an him khawh nak ding le ivennak ding ah tiah an ti, an sam an tan/cut ah cun muisam adang pin ah Russia ralkap hna mit hmuh ah an thil beisei mi atlawm lai tiah an ruah ruang ah atu bantuk in sam an cut nak asi tiah news report ah langhter asi.

Zar liam cang ah khan Ukraine khuapi cheu khat ah Nunau nungak notete hna cu an chungkhar hna hmaika bak ah, tlaihhrem asi tiah chim asi, report fainter nak chung ah, Ivankiv ah nungak note 2 hna cu tlaihhrem asi, ITV nih an tarlan ning ah Deputy mayor Maryna Beschastna nih khuachung ah nunau hna nih Russia ralkap hna mit ah duhnak lungthin an ngei lonak ding ah tiah nungak tampi hna nih sam an tan/cut hna khi asi tiah chim asi, Makeup artist pakhat nih Bucha massacre ah nunnak aliam cang mi chung ah kut le ke tin zoh khentu asi timi cu aruak umtu ning ah theih khawh asi tiah an ti.

Hmunkip ah ruak tampi hmuh ding ah a um, Melinda Simmons, British Ambassador to Ukraine nih Twitter ah nu tling hna cu an fa hna mit hmuh ah tlaihhrem in, Nungak dang hna zong an chungkhar hna mit hmuh ah tlaihhrem lio hmanthlak hna tiang post asi fawn, Russian ralkap hna nih nunau hna an tlaihhrem nak case 300 nak tam a um cang, mah chung ah hin Nungak notete asi rih mi kum 12 – 16 hna an si, Bucha Massacre ah mi 100 leng hrawng ruak hmuh asi fawn.