Ruzbekistan ram chung ah Afghan Jets le Helicopter 46, ralkap 600 leng an um lio, Afghan Jet pakhat an kah piak

August 15 hi India Independence Day an hman lio ah, Afganistan tan caah cun “Black Day flag” tar asi, America nih a phatsan ni tiah, Afghan history ah cun Black Day ni asi peng cang lai, America nih kum 20 chung Dollar Trillion 2 dih in, Ralkap le civilians nunnak, tha zang vialte hna cu zei hmanh lo ah arak cang khi asi, Afganistan caah Taliban khawkhan lairelnak tang ah, muinak phun 2 in an tuar cang lai, President Biden Afghan le Americans lungthin ah philh kho ti lo mi “Black Day” asi peng cang lai.

Uzbekistan nih August 14-16 karlak ah khan an ram chung ah Afghan -22 military planes & 24 military helicopters hna cu ti ngainak a um ti lo caah arak tum khi asi, Fighter Jets 1 cu anrak kah piak tiah thei asi, 600 Afghan troops hna nih ramri lonh in an ram chung ah alut fawn, 46 Afghan aircrafts hna nih hin ralkap 585 phur in Termez aiport ah an tum pi, southern Uzbekistan ah Saturday ah khan hramhram in an tumpi khi asi, Uzbekistan le Turkmenistan hna nih high level meeting ngei in Afghanistan mi tampi hna cu an um khawhnak hnga lam khawl piak asi.


Russia’s state RIA Novosti tar lan ning ah Uzbekistan Ministry officials Afgan pilot 2 an dam pin ah, Bekpulat Okboyev, doctor city of Termez, Surkhondaryo’s regional capital nih pilot 2 te an zohkhen tiah anrak phuang, Caroline Tabler, communications director for U.S. Arkansas Senator Tom Cotton hna nih, Afghan pilot Uzbekistan ah zam mi hna cu asi khawh tawk in buaipi asi lai tiin a chim.

Kabul Airport cu US Central Command hna nih an control lio asi, US Central Command head General Frank McKenzie nih Taliban hna anva chawnh, Kabul Airport lenglei cu Taliban hna nawlngeihnak asi dih cang, Biden nih buainak um lo in kalak manh dih ko lai atimi cu, atu ah Airport ah zei hmanh ei/din an ngei tilo khi asi cang.


CENTCOM international evacuation, air traffic control buaipi asi ko hmanh ah, Airport ah a um mi vialte hna hi minung, 30000- 40000 hna hi zei van lawng he dah an phur lai? Airport kulhnak cung in mipi hna cu alut mi an tamtuk cang fawn, Hamid Karzai International Airport cu Taliban hna nih U.S issued armored vehicles he an kulh dih tawp ko khi asi, Refugees vantha mi hna cu US Fort Bliss Texas, & Camp McCoy Wisconsin hna ah chiah asi lai, asi nain Airport in zeitin dah an chuah khawh lai? zei tin dah thil asi lai zoh phawt ko u sih?