South Africa ah football club pakhat cu an thil tuah mi amaktuk ruang ah dam chung bawlung suih ti lo ding in hrem an si,

South Africa ah football club pakhat cu an thil tuah mi amaktuk ruang ah dam chung bawlung suih ti lo ding in hrem an si,

South Africa second division club Matiyasi FC nih hin ABC Motsebe League (second division) ah kai khawh ding in, thil mak phanter aherh caah, an suih ding mi team pakhat “Nsami Mighty Birds” lak ah 18-0 in an tei hrimhrim aherh mi asi, mah thil mak an tuah ning cu, Matiyasi FC nih hin an suih pi mi team, own goal 41 hmang in 59-1 in an tei bak khi asi, Thil umtu ning cu league nawlngeihtu hna nih fiangtuk in an theihthiam cawlh khi asi, an mah le an mah team hna nih match-fixing an tuah mi cu an theih cawlh, mahruang ah cun mah team pahnih hna hi, dam chung in bawlung suih khawh ti lo ding ah hrem cawlh an si.

An mah team pahnih long hrem an si lo, promotion beisei ruang ah adang team suih ding mi, khat lei team zong atu bantuk in “match-fixing” thiamthiam anrak tuah khi asi, Matiyasi FC he point atluk mi, Shivulani Dangerous Tigers hna nih cun, an suih pi ding mi team cu, “own goal 7” hmang in 33-1 in anrak tei fawn khi asi, an mah team pahnih hna zong, dam chung bawlung suih ti lo ding in hremnak pe kasi fawn, vawlei cung ah thawng pang mak ngai mi asi, hi bantuk thawngpang hi theih hi atu hi vwaikhat nak asi, cuti asi ah cun mah team 4 hna cu dam chung in bawlung an suih duh zong ah an suih khawh ti lai lo khi asi, an hremnak cu afak bak pin ah, Thil mak ngai mi pakhat asi fawn.

Minthang Johnny Depp nih an nupi hlun Amber Heard he taza cuainak kong ah thiam aco ruang ah an hawi hna an dangh nak ah $62,000 bak adih,

Hollywood star Johnny Depp nih court-ah a nupi hlun Amber Heard lak ah thiam aco ruang ah, an hawitha hna he lawmnak Dinner thaw taktak mi an dangh hna, an ei din hna vialte man cu hotel ah $62,000 bak an dih tiah news report ah anrak langhter mi asi, hotel ah thil an ei mi cu, Indian meh an ei hna nak ah hin $62,000 adih Indian tangka in Ting Rs-58.1 bak an dih, a rapthlak ngai ko, mah zatzat man ei cu turu taktak ko.

New York Post thawngpang nih alanghter ning ah cun, Birmingham, England-ah rawl eitinak ah Depp hi arak cawlcang ngai ngai ko, ‘Varnasi’ restaurant-ah hin ei le din lei ah a sum kho hrimhrim lo, mah khuapi ah hin Indian restaurant tha bik ah an ruah mi ah hin, nuamte in can an hman hna, Fairfax, Virginia court-ah tangka ngah ding ah $15 million phuan asi ah khan, zar hmasa te kha asi rih ko kha mu, a nupi hlun Amber Heard nih hin $2million angah vel ai khi asi.

Depp-security hna nih hin khuapi laifang hrawng ah um mi ‘Varanasia’ restaurant hi ahmasa ah khan anrak zoh dih diam cang kha asi an ti, venhimnak zong bia tak tein an kalpi bak ko, Depp nih hin dinner thaw ngai ngai mi an tuah piak hna hnu ah hin, an hawi hna he an ei khim dih hnu ah, restaurant-ah riantuan tu hna vialte zong lawmnak kut an tlaih dih hna khi asi, an hawi hna he nuam ngai ngai in an ikawm hna,  thawktute chibai semkualin, Varanasi hotel zohkhentu Mohammed Hussain nih, “Sunday zan lei ah khan, Johnny Depp-nih kan restaurant-ah dinner anrak ei lai tiah thawngpang ruah lopi in karak theih, aka lauter pah ko tiah ati, Depp nih an hotel ah rawl an ei ruang ah an hlawk ngai pin ah an hotel min athang chih ati.