Speaker Nancy Pelosi pasal Multi-Millionaire kum 82 cu an unau pa David John Pelosi thattu tiah puh in tlaih asi,
Speaker Nancy Pelosi pasal Multi-Millionaire kum 82 cu an unau pa David John Pelosi thattu tiah puh in tlaih asi,
DailyMail.com nih a tarlan ning in, United States, House of Representatives Speaker si lio, Nancy Pelosi pasal Paul Pelosi cu kum 16 asi lio ah, a unau pa kum 19 asi mi David Pelosi thattu ah puh a si hnu ah Police hna nih an tlaih tiah tarlan asi, Paul Pelosi le a unaupa David Pelosi hna cu February 22,1957 kum asi cang lio ah khan, Northern California Skyline Highway ah Sports Car Porsche in an accident sual kha asi, mah an cawlcang sualnak ah hin a u David Pelosi hi kum 19 mi cu a thi tiah theih asi, mah accident cang/phan lio ah hin Paul hi kum 16 a si ve cang khi asi.
Reports ah tarlan ning ah cun, Paul Pelosi nih zurit bu in car manfak mi Porsche cu California motor lampi kau ngai mi ah cun a mawng tiah an chim, Jesus Lopez kum 48 mi motor arak tli lio he an itaih ruang ah, car cu lampi ah a let bak khi asi tiah, mah lio ah a unau pa David cu Motor car nih aden/nenh ruang ah hriamhma tuar in athi cawlh ati, mah accident phan hlan ah hin David nih cun a nau sin ah, car mawng/drive cu duhsa tein mawng ko tiah achim piak peng khi asi, abia chim cu zeirel piak lo in, amah duh ning in car cu amawng ruang ah accident nak asi tiah an ti.
Atu ah kum 82 asi cang mi Paul Pelosi cu aliam can Saturday ah khan, zurit bu in motor mawng ruang ah mah chiatnak hi aphan ruang ah, mah kong he peh tlai in Police hna nih anrak tlaih kha asi, mah accident phan can hi February 22, 1957 kum ah asi, Paul nih chiat aton hnu ah a unau pa cu in lei ah kirpi lo in, a nungak Nu In ah kalpi asi hnu ah hmun dang ah car he an lenpi than khi asi rua, in an phan hnu long ah hospital an kalpi lio ah, David Pelosi cu arak thi tiah nes report ah langhter asi.
David thih ning an hlatthlai/investigation tuah nak in alanh ning ah cun, David hi a nghawng ruh tliak ding vennak fektertu ah hman mi a nghawng ahrennak nih anenh tuk ruang ah an zumh, The San Mateo Times nih report ning ah David ruak an hmuh lio ah hin Ganley le Petrol man Jack Rakestraw hna nih cun, David nghawng ah hin thil fektertu (Brace) cu a invuah fektuk tiah hmuhchuah asi fawn, mah accident nak hi Paul Pelosi nih atu ah, a nupi Baltimore mayor fanu Nancy D’Alessandro Speaker si lio nupi a ngeih hlan te kum 6 ah thil cang mi asi, an ingeih hnu 1987 kum ah Nancy cu US khawkhan lairelnak sang ah thu ding in thim tlin asi, US, House of Representatives Nu Speaker hmasa bik zong arak si.
Daily Mail Online