Taliban acoyah thar ah hruaitu hna ah buainak faktuk in achuak, Panshjir valley ah NRF bawmtu hna pakul an thah hna Etc,

An buai bak ko, Taliban Afghan acoyah thar dirnak ah an hruaitu hna ruahnak akhat lo ngai ngai hna, nain mah kong hi anlanghter duh lo khi asi, Taliban group’s co-founder Baradar presidential palace ah anlut hna anti, Kandahar ah azam tiah theih asi nain an thah tiah an timi hi fianter nak a um lo khi asi, Khalil ur-Rahman Haqqani – the minister for refugees he bia ahmuh lo ngai ruang ah asi, Baradar ruah ning ah cun Diplomacy an kalpi ding asi lio ah, Haqqani group belte cu Panshjir Valley ah idoh an duh, mah ruang ah cun atu ah an buai ngai ko tiah thei asi, Baradar hi a thi maw a dam? Taliban group’s supreme leader Mawlawi Hibatullah Akhundzada he Afganistan caah ruahnak an ngei taktak maw?

Press mi an thuat hawi, Nizan ah khan Kandahar lei ah Millat Zagh Radio reporter nih mipi chung in lung awi lonak Nu hna cu, interview lio ah Taliban hna nih anrak thuat, Kandahar’s Firqa district ah hin mipi hna in le lo anrak ngeih mi hna cu, Governor thar umnak caah an duh ruang ah, mipi hna hi an dawi hna, mipi lungawi lohnak an langhter mi cu Radio reporter lei nih hin interview hnu ah buainak hi azual chinchin khi asi.

Chungkhar 300 hna an dawi, acung ah tial cang bantuk khin, Kandahar’s Firqa district ah chungkhar 300 hna cu ni 3 chung ah an umnak in le lo chuahtak ding in can pek asi, Minung 300 um nak hi Taliban acoyah hruaitu hna umnak ding ah hman asi lai, Panjshir Valley lei ah Afghan security forces le retired army generals chung hna umnak zong hramhram in an thawl hna tiah theih asi.

Panshjir Valley ah Taliban hna National Resistance Forces bawmtu ah an puh mi 20 hna hriamnam zong ngei lo mi cu an thah dih hna, Human rights group nih cunAfganistan hmun dang dang ah execution report an hmuh hna, Mi 1 lam kal lio zong an kah bak ko mi an hmuh pin ah video footage an pek fawn, Panjshir Valley execution hi a fiang ngai ngai ko.