Trump Administration nih term khat chung te ah zeitluk in dah US ram an thanchoter timi hi mihrut asi lo mi nih cun an philh bak lai lo?

A) Vawlei economy thanchonak le ram rumnak dirhmun ah dirter.
B) World Trade tha sersiam, Fair lo ngaingai in China nih vawleipi tangka anrak eihmuar/corrupt mi cu Trump nih hin trade war hmang in asersiam dih hna than.
C) Lowest Unemployment ah Obama san nak in USA-ah khin rian ngei lo an tlawm cang, USA mipi ting 3280 chung ah rian ngei lo, Jobless cu zarh hmasa BBC/Al Jajeera etc. tingkhat an um tilo tiah phuan veve asi.

D) Idohnak hmunhma tampi ah teinak hmuh in rem daihnak atuah khawh, America ralkap tampi hna cu himte in US ram ah kirter asi, ISIS misual pawl cawlcang kho lo in atuah khawh, Tu hlan America hruaitu hna nih antuah khawh lo le antuah ngam lo mi hna, N. Korea le Iran hna cu Trump nih cun daidep in achiah khawh, atu ah cun nun phung pangai deuh in an um ve ko cang khi asi.

E) Tu hlan ah khan America president raltha ngai mi hna zong nih antuah ngam lo ralpi achuak sual lai tiah Arab ram hna, Jerusalem khuapi hna cu Trump nih cun Israel capital caah recognized bak khi asi, Arab ram hna nih akan doh sual lai tiah anrak phangton mi cu Trump nih raltha ngaingai in anrak thuat hna taktak ah cun aho ram hmanh nih kamkhat hmanh an leh ngam lo kha mu, Iran General Qasemi Suleimani zong arak that bak ko khi asi.Obama Hussein nih anrak tuah ngam lo mi cu Trump nih cun atlukter bak ko kha, Buainak chuah cu chim hlah aho hmanh Trump hmaika ah an holh ngam bak lo khi asi ko kan theih nan theih ceu ko khah, Trump hi cu vawlei pi Pathian le Khrihfa hna Pathian tluk asi ko, cu caah cun 2020 President thimnak ah atlingthan te ko lai.

F). Trump nih cun midang tuah mi phun lo deuh in taxation/ngunkhuai aniamter fawn, tu hlan ah Tax asangtuk ruang ah industry/factory hna cu ram dang ah an ithial dih hna khi asi, nain atu ah cun mah industry/factory hna vialte cu US ram chung ah an kirthan dih cang hnu ah ram mipi hna caah rian employment le income athangcho thluahmah than ko cang.

G) Upady lo in USA athial mi hna, misual, drugs zuar mi hna America ram chung ah thil fir, Tlaihhrem, drugs smuggling adt tibantuk hna cu atu ah cun Mexico ramri sau ngai cu wal/fencing tuah dih asi, Smuggling, drugs, criminal ti bantuk hna cu USA ah atlawm ngaingai cang khi asi, covid vennak ca zong ah arak tha khun, Democrat pawl nih cun vote duh ruang ah mah Upady ningcang lo in US ram chung ah lut mi hna khamh cu an duh bak lo khi asi, an ram caah zeihmanh an ruah lo.

H). Israel khuapi caah Jerusalem arak phuan ruang ah Arab-ram pawl nih anrak huat ngai ngai lio ah Arab ram funtom mi thancho ngaingai mi pawl United Arab Emirates (UAE) le Israel acozah karlak ah rem daihnak agreement anrak tuah pi khawh mi cu khuaruah har bik thil asi, mah thil hi Trump makpa Kushnera chim ning in kum 3½ chung ah Trump hmalaknak thei par asi ati, Trump hi tu hlan President hna nak in rian tampi atuan manh cang khi arak si.

Vawlei pumpi Khrihfa hna zalongnak venhimtu Pathian siti tawih Trump nih hin term hnihnak ding ah acuh than lai, America ram ah Media ngan (mainstream media) vialte hna khi Trump dohtu hna an si, Trump kong le riantuan thatnak kong hi an chuah bal lo, DEM hna le Minak hna kong hi cu aphunphun in an tial an phuan khi asi. A donghnak bik caah cun 2016 thimnak bantuk in Trump support tu evangelical biaknak dangdang hna le Billy Graham Evangelistic Association president Franklin Graham hna, Southern Baptist Khrihfa Bu hna, Penticostal Khrihfa bu dang dang hna nih khin an tanh dih ko hna, Khrihfa ram si ding in America Founding Fathers pawl hmalaknak cu Trump caah hnangamnak pakhat asi.

Liberal Democrat (Leftist pawl Socialism ah thlengter ding ah dohnak) mah hna nih cun Trump chiatnak le Khrihfa Bu hna hi ahuat tuk mi asi, a phun phun in dohnak lam an kawl hna ko nain Trump cu Bawipa nih adirpi peng caah adohtu hna khi alet ta lam in an mualpho pengtu khi asiton, mah caah cun atutan thimnak zong ah bawipa dirpi in teinak angah ko lai tiah zum asi. Pathian mi hna caah lam chukcho timi hi atu ah Donald Trump dirhmun ah khin fiangtuk in alang ko, 1983 kum 40 aliam cang hnu ah khan phuan asi cang bantuk in Donald Trump nih hin America hi Pathian sin ah ahruai lai “Donald Trump will bring America back to God,” tiah phuan arak si cang khi asi, mah cu Pathian remruatnak cu teinak le hlawhtlinnak asi khawhnak hnga thlacam piak hi kan rian asi! Teinak cu Bawipa ta asi.

Cre: Moses pa