Ukraine caah thawngpang tha Good news bak asi, world bank le US nih abawm mi tangka atam ning cu Ukraine ram caah thluachuah vanchiat van that asi,
Ukraine hriamnam le tangka tampi pek asi lai tiah Joe Biden nih ati,
President Joe Biden nih legislation funding -US federal government le Ukraine bawmnak ding ah $13.6 billion Sign asi cang, Republicans & Democrats nih Ukarine caah kan tangti can asi tiah lungrual te in Senate & Lower House ah Ukarine legislation hih apal tlang ve ve, US hi kan soisel vet awn ko hmanh ah ahertuk nak ah cu Pa bik sinak dirhmun ah acing thiamthiam ko.
United States president Joe Biden nih nizan ah khan Russia-nih ni 20 chung adoh cang Ukraine ram cu, Ivennak ding hriamnam le ei/din nak ca ding ah tangka bawmnak pe kasi lai, US nih doh atuar lio Ukraine mipi hna cu Russia ralkap hna lak ah, iven khawhnak ding ah hriamnam an ngeih khawh ding ah tuaktan pia kasi lai, tangka le ei/din caah Ukraine mipi chanchuahnak ding ah kan pek fawn lai ati, Ukraine ralzam mi hna cu lawmnak he kan pawm piak khawh lai ati fawn, tiin Biden nih twitter ah tar la nasi, Britain-nih Russia nih hin Ukraine lak ah chemical or biological weapon hman a tim khawh men tiah achim hnu ah, US President nih mah bia hi achim chuak khi asi, US nih hin a hmasa in Ukraine ralkap hna caah hriamnam US$ 350 man hrawng akuat cang fawn khi asi.
Report cheukhat ah cun Russia nih hin China sin in ralkap hriamnam lak atim tiah tarlan fawn, nain mah hi China nih cun adik lo mi bia asi ati ve fawn, February 24-in Russia-nih Ukraine a doh hnu in, civil mi tampi an thi cang, minung million leng ralzam an um fawn cang, Ukraine President-nih martial law an hman mi cu, peh than nak ding ah bill an pek than, Ukraine president Volodymyr Zelenskyy nih nikhat ni ah khan an ram ah, ralkap kut ah nawl ngeihnak sang peknak ding ah, martial law hman lio cu thla khat dang pek than ding halnak cu, Parliament-ah submit asi cang, Russia-nih an doh hramthawh February 24 ah khan Ukraine ram ah martial law hi thla khat caah phuan cawlh asi, mah hi March 24-tiang hman asi lai, nain Russia he hin anrak idoh peng asi caah, President Zelenskyy nih martial law hi ni 30 dang pek ding ah ati mi asi.
Bawmnak tampi an ngah World Bank-nih Ukraine ram caah US$ an pek mi cu atam bak,
World Bank nih nizan ah khan Russia dohnak ruang ah harsatnak lian pi atuar lio Ukraine ram cu, US $200 million a pek lai tiah achim, World Bank nih hin zar liam ah khan Ukraine ram caah US$ 723 pek rem an ti fawn cang, ram chung ah harsatnak azual chinchin caah atu zong ah US$ 200 million pek than ding ah an timi asi, mah hi World Bank-nih Ukraine sersiam than nak ding ah, US$ 3thrillion peknak ding package an tuah mi chung in pe kasi lai, Ukraine ram mipi bawmnak tangka hi zar ruk in zar riat pek dih khawh tim asi tiah, World Bank president David Malpass nih atu bantuk in achim, Malpass nih thil cang kong chim in, “Boruak tha lo tang ah kan um lio asi Ukraine hi eidin kawlnak lam phih piak dih asi caah, Russia nih hin Ukraine thali meh hna tiang lak khawh lo in atuah, ei/din le ti thianghlim tiang hren pia kasi ati.
Ni chiar in thil rapthlak ngai aphan peng fawn, mah bawmnak tangka hi highway, bridge le infrastructure pawimawh tak tak mi tuahnak caah hman asi lai, Malpass nih Ukraine bawmnak ding hi bank nih kan tangka ngeih mi tete hna chung in kanrak chuahter mi asi ati, World Bank nih Ukraine bawmnak tangka pek ding ah pawm piak cang mi hi US$ 925 million hrawng asi cang tiah ati.
Ref: Fox News & BBC