Ukraine ram chung ah Bomb apuak peng rih ko, Munich Security Conference ngeih lio asi fawn, zei thil dah achuak te lai? Remdaihnak a um lai tiah chim thiam ahar ngai rih ko,

Saturday zan ah siseh, Sunday zing le chun lei zong ah Eastern Ukraine Donetsk lei ah bomb puah aw thawng theih peng ding a um rih ko tiah theih asi, Russia Vladimir zong nih hriamnam angeih that ning show pah in,  Nuclear Drill a thut chih peng rih fawn khi asi, eastern Ukraine ah hin 2014 in Ukraine acoyah le Russia lei in separatist forces hna an ikap peng fawn rih, Friday in bomb puah awthawng vawi 1,400 theih ding a um cang (Organization for Security and Cooperation in Europe (OSCE) report nih atu bantuk in alanghter mi asi, Donetsk & Luhansk hi Ukraine nih thuat an tim tiin Separatist lei hna nih an chim peng khi asi, Jens Stoltenberg, NATO chief nih US chim bantuk in Russia ralkap hna Ukraine border ah invasion ngeih ding in, an timi asi tiah ati, NATO staff  hna cu Kyiv – Lviv ah an thial hna, a cheu Brussels ah, NATO’s headquarters ah, OSCE’s Special Monitoring Mission bomb puahnak hrawng hrang ah um mi hna nih cun, 553 explosions  Donetsk & 860 Luhansk ah a phan cang tiah an ti, Ukraine’s Interior Minister Denys Monastyrskiy zong frontliners hna reporters he an kal lio ah meithal le bomb thawng theih asi.

Munich Security Conference ngeih lio nak zong ah Russia nih US sin ah Security an duh ning an chuahpi chung ah khan, US ralkap hriamnam hna cu Central & Eastern Europe chuah tak ko seh, Missile lei zong chim ding ah ready kan si, nain Ihrocer nak hmang in ibiakchawnh hi kan duh lo tiah ati, Munich Security Conference ngeih cuah mah lio ah US vice-president Kamala Harris “Russia hi ralring koseh, West pawl nih sanctions kan tuah ding mi hi a fawi bak lai lo tiah ati, Lithuanian foreign minister Gabrielius Landsbergis nih military defence tha deuh mi Baltic states & Poland hna nih an ngeih lai tiah, US defense secretary Lloyd Austin, Lithuanian capital Vilnius nih an itonnak ah achim, Munich Conference ah Ukrainian president Volodymyr Zelenskiy nih Russia invasion kong ah, West sin ah an ram chan ding in an nawl lai, Germany’s chancellor Olaf Scholz nih  Europe ah idohnak an tuar lio tiah Munich Security Conference ah achim.

UK PM Boris Johnson nih “Europe ram hna fak ngai in tangrual ding ah nawlnak atuah, Russia Ukraine Invasion a phan asi ah cun a affect cu, Taiwan tiang hna aphan sual le bang ah cun vawlei cung ah thil poi ngai aphan lai pin ah kan tuar bak fawn lai, (Munich Security Conference hi part 1 nak long asi rih ko) (Munich Security Part 2) nak cu, Munich Security Conference hi ni 3 chung ngeih ding asi lai, Vladimir Putin nih Nuclear ken mi hriamnam zahan zan ah khan an test lio ah, West pawl nih cun Munich Security Conference an ngei lio asi- Russia kong an chim ngai ngai hna khi asi, US President Joe Biden nih Putin & Zelensky annual Munich Security Conference ah kal lo hi atha deuh lai tiah a zumh, “Ukraine’s east kan control nak tang ah a um dih tiin ca thanh an chuah, Ukraine East lei Donbas, Dontsek ti bantuk hrawng ah Russia separist group pawl kut tang ah a um lio khi asi, Zelensky hi  British Prime Minister Boris Johnson, German Chancellor Olaf Scholz & US Vice President Kamala Harris hna nih an hmuh lai.

Munich Conference ZELINSKY “Ukraine hi kan ram asi, atu ah buainak kan ton lio asi, remdaihnak um kan duh, Western allies hna nih hin step fek deuh lak a herh, Military & economic assistance tha deuh kan herh, Ukraine hi kan ram asi, Aleng lei ram hna nih na kan bawm zong ah bawm lo zong ah, adongh tiang kan ram hi kilhven kan tim tiah ati, NATO Secretary-General Jens Stoltenberg nih Russian Foreign Minister Sergei Lavrov cu cakuat in, boruak daihter ding hna chiam pah in Russia Security Demands ah rian har asi, NATO-Russia Council ah tel ding in sawm asi, European Commission President Ursula von der Leyen “vawlei nih thil zei poh hi khuaruah har in azoh lio khi asi, Russia atu bantuk in hriamnam hna an chiah mi hi, Cold War hnu ah khan Europe vawlei nih can mui bik kan phan nak hi asi.