UN agency-hna nih Myanmar pawngkam ram hna sin ah Myanmar ram chung abuai ruang ah ralzam mi hna kirter lo in zohkhen ding ah nawlnak atuah,
United Nations refugee agency nih Myanmar ram chung buainak phan cuah mah lio asi ruang ah, ralzam Myanmar mi hna cu an ram ah kuat/kirter ti lo ding in, Myanmar pawngkam ram mi hna sin ah nawlnak atuah, UN High Commissioner for Refugees (UNHCR) nih cathanh tuah in, Myanmar ram ah cun civil mi hna lak ah thazang hmannak aphan ruang ah, Myanmar ralhrang le tlangcung hriam tlai le PDF/CDF hna an idoh/thuat peng ruang ah, mipi/civil hna cu himnak kawl in, Myanmar pawngkam ram hna ah an ralzam khi asi ati.
Himnak kawl in azam mi hna hi an ram ah kirthan ding ah thawl/dawi ding asi lo, tiin, UNHCR assistant high commissioner for protection, Gillian Trigss nih atu bantuk in a chim, Triggs nih cun nikum FebÂruary 2021 in ram dang ah, himnak kawl in ralzam tampi Myanmar ram zam tak in pawngkam ram ah himnak duh in an lut khi asi, Myanmar mi ralzam hna hi an ram ah hramhram in tlung/kir ter an um tiah report a um tawn cu, UNHCR nih a pawi ngai tiah achim.
Myanmar pawngkam ram ah hin ralzam mi hna hi kum tampi venhimnak le bawmnak anrak pek tawn cang khi asi, mah cu peh zulh peng ding in nawlnak kan tuah tiah ati, Naite ah khan Malaysia nih an ram ah Myanmar mi ralzam hna chung ah, minung 150-hna cu kuat/kirter than asi, mah chung ah cun navy officer hlun hna zong an tel tiah theih asi, An kuat/kirter chung ah, navy officer Kywa Hla le a nupi Htay Htay Yee-hna cu, Yagon an phan rualrual in tlaih cawlh asi tiah an chim fawn.
Mah cu zeitin dah an hrem ning? Asi lo ah an thah cawlh maw? zeihmanh thawng pang theih asi ti lo tiah an chim, Malaysia ram ah hin Myanmar ralkap hna nih anthuat/tlaih le hrem thah asi hnu ah, ralzam Rohingya Muslim 100,000 leng an um lio tiah theih asi, Myanmar ralkap hna nih nikum February thla ah, civil acoyah nawl ngeihnak an lak piak hnu ah, ram chung buainak fakpi in achuah cawlh kha asi, atu tiang Myanmar ram chung buainak hi a peh pengrih khi asi, ralkap nawl ngeihnak duh lonak langhter in lamzawh mi hna chung in, minung 10,000 leng an tlaih cang, mah chung ah minung 2,300 leng an thi cang.