US Bawmhnak Kong ah Trump nih Thawngpang tha tak tak a Van Thanh

US Covid rung i bawmhnak timhtuah cuahmahmi ah Trump nih Thawngpang tha tak tak a van langhter than cang. Tunai te khan Trump nih cun hi ti bak hin a langhter. “ A sunglawi tukmi kan mipi pawl hi US $ 600 tuktak nak cun $ 2000 an hmuh hi ka duh deuh ving‘ ti bak in a langhter. US President, Trump nih hin US mipi nih tutan i an hmuh dingmi bawmhnak caah biatak tein aa zuam i tam deuh an hmuh hrim hrim khawh nak hnga heh tiah aa zuam ti a catial hin hmuh khawh a si. Thawngpang tha tak tak a si. 

 

Zahan naite khan US ram i Covid 19 ruang i US mipi ca i bawmhnak kong ah Trump nih a lungput a rak langhter. Pumpak pakhat ah $ 600 te lawng a simi kha Trump nih $ 2000 tal pek an si lo cun ka duh lai lo ti bak in a langhter. $ 600 pek ding tiah hnatlakmi kong ah Trump a lung a tling bak lo. Cucaah atu tiang cu thawngpang tha a si chin lengmang. Tangka bawmhnak cu a um hrimhrim lai ti cu aa fiang cang. Asinain atu hi $ 2,000 tiang bak pumpak nih an hmuh khawh nak lai Trump aa zuam cuahmah lio pi a si.

President Donald Trump nih American mipi minung pakhat ah Stimulus check $600 telawng pek nan timhmi hna hi a tlawm tuk ka lungtling lo, minung pakhat ah $2000 tal cu nan pek hna ding a si, nan pek duh hna lo ahcun $900 billion relief bill nan chuahpi mi hi VETO power ka hman khawh tiah tu zanlei ah a tlerh hna. Congress nih zahan zan i an pass cangmi $900 billion bill cu atu tiang minsen a thu duh rih lo.

President Trump nih Congress [ Senate+House ] nih nan chuahpi mi bill $900 billion hi remh than ulaw, minung pakhat $600 nan pek mi hna hi minung pakhat ah $2000 tal pe hna uh, nuva nih $ 4000 tal co ding in bill chuahpi ulaw min ka thut colh lai tiah a ti hna. Bill nan chuahpi mi $900 billion chungah Coronavirus he a pehtlai lomi, a herh lomi, phaisa heu sawsawh mi nan telh chihmi hi nan remh dih a hau tiah a ti. “American ngunkhuai tax a pemi nih $600 lawng ngah i, phung loin a ummi, illegal family nih $ 1800 tiang co khawh ding cu a fair lo tukmi a si” tiah President Trump nih a ti.Cucaah Congress nih $900 billion an chuahpi cu zohfelnak ngeih than dawh an si caah minung pakhat nih $600 nak tam deuh hmuh khawh a si kho. Source: Salai Lairamthang