US Bawmhnak Kong Update, Tuni ah Nan Bank ah Luh deng dawh a si.

Thawngpang tha tak tak. Nan bank account van zoh cio tuah uh. Tuni ah luh dawh a si cang. Hi ti hin Salai Lairamthang nih zahan khan a langhter. ‘Tuzan zantim silole thazing ah minung pakhat $600 bawmhnak nan bank ah a lut lai tiah IRS nih an thanh‘. Source: Salai Lairamthang

Relchap: USA hi ram rum kan ti nain an leiba ngeihmi hi a turu tak tak 

Democrats party nih US um tax pekmi, minung pakhat cio nih US $2000 ngah ding in anmah party nih an control mi House [ Pyithu hluttaw] ah bill thar an chuahpi i, tu zanlei ah an pass hnu ah Republican nih an control mi Senate [ Amyotha huttaw ]ah an kuat.Senate hruaitu hna nih Senate floor ah an chuahpi le chuahpi lo ding a fiang rih lo. An chuahpi hmanh ah an pass lai zumh a um lo. Republican nih $2000 tiangtiang pek ding hi an duh lo, zeicatiah US National leiba hi $27 trillion reng lo a phan cang caah US citizen minung pakhat nih kan ngeihmi leiba hi $220000 renglo cio a si cang caah a si.

President Trump nih cun minung pakhat nih $2000 cio ngah kho ding in congress a fial hna. Senate nih an cohlan ahcun President Trump nih minthut lai tiah zumh a si. Asinain Republican nih an cohlan lai zumh a um lo. Democrats pawl nih hin Republican nih an cohlan lo ding theih ko bu in anmah control mi House [ Pyithu hluttaw] ah an chuahpi i an pass mi hi politic ceihnak caah an hmanmi sawsawh a si lai tiah an zumh.

January 4 ah hin Georgia state ah Senate minung pa hnih thimnak a um. Mah ruangah democrats pawl nih hmak laak duh ah bawmhnak $2000 pek ding hi an chuahpi than mi a si lai tiah zumh a si. Republican nih minung pakhat an laak khawh ahcun Senate an control khawh rih lai. A pahnih in an sungh sual ahcun Democrats nih house le senate a control te lai caah tihnung ngai a si.Trump nih min a thutmi $900 billion chung i a tel cangmi Second Stimulus $600 cio hmuh dingmi kha cu ninga ni [ Friday ] hrawng ahcun direct deposit in nan bank cio ah a phan lai tiah zumh a si. Credit: Lairamthang