US le mi dang hna nih lak an timh ti lo zong ah Germany nih cun August 31 hnu zong ah Afghan refugees hna cu Kabul in lak atimh ko rih Taliban he an buai hnga maw??

US le midang nih August 31 ah Kabul Airport in Afghans Refugees hna cu lak an tim tilo hmanh ah, Germany nih cun lak chuahrih peng an timh tiah, Chancellor Angela Merkel nih a chim, G-7 meeting ngeihnak ah President Biden nih UK, France Germany le ram dang hruaitu hna nih August 31 hnu zong ah, Afghan Refugees hna lak chuah dih lo mi, lak chuah khawh peng ding ah, sianhpiak ding ah Taliban hna cu nawl ding ah an timi cu pawmpiak lo asi, German ram ai awh nih cun Kabul ah Taliban hruaitu hna an chawnh anin zei bia dah an ngei theih asi rih lo.


Merkel nih “Can tlawmte long a um cang caah, Afghan Helpers le Afghans akan bawmtu tawn hna caah, can kangeih chun te ah kan bawmh ve hi kan bat mi asi, mah caah cun lam a um khawh ning in bawmnak kawl lio asi, mah Civilians Kabul airport pawng ah um ca hna tiang in bawmnak lam kan kawl lai ati, Chinese state newspaper People’s Daily tar lan ning in Chinese President Xi Jinping le Russian President Vladimir Putin, hna nih phone call in Afghan kong ah bia an chim hna, Xijinping nih Afghan ram chung um mi hna, sualnak lak ah himnak le political framework, tha tak hmang in acoyah thar dir ding in nawlnak an tuah tiah thei asi.


Anti-Taliban fighters Panjshir Valley lei ah arak thaut sual palh ah venhimnak ding ah tuah asi, National Resistance Front (NRF) fighters hna nih hin US-made Humvees, pickup trucks ah machine guns chiah in Patrolling an ngei tuk ngai hna cang, Fighters hna nih hin assault rifles, rocket-propelled grenades, walkie-talkies hna he an si, Taliban spokesman Zabihullah Mujahid chim ning ah cun, Former Vice President Amrullah Saleh, hna umnak Panjshir hi kil 3 in an kulh cang hna tiah news nih alanghter.