US nih Guam lei ah Airforce base pathum an chiah pin ah Raldohnak lawng Navy hna cu Pacific Rilipi ah military base ngeih mi lian bik asi, China zong abuai ko cang,

South China sea hi can sau lo te ah phak khawh asi, China mainland hi Guam in Km-4000 hrawng asi, F-22 le F-15 eagles 10 le C-130, hercules 2 hna zong kalter chih asi, mah long si lo in UK le Japan, cu NATO country dang hna he mah Pacific drill ah hin Jets Fighter hna tampi an kalter vr fawn cang khi asi.

Guam hi China he an idoh ah cun hmun biapi bik asi lai caah,Mah Island ah hin Bomber pin ah Ammunitions tampi chiah asi, China zong nih arak kah hmasa bik mi hmun ding zong asi, cu ruang ah mah hmun vennak ding zong ah, Missions pawi mawh bik asi, atu ah hin hriamnam thatha le US, UK, Japan ralkap raltha mi long te chiah thluahmah asi cang.

Guam ah Airbase hmunthum ah an chiah pin ah, World war II nak lio US base asi tawn mi Island cu, Guam in km 120 longte asi, Airfield zong hmanthan asi lai tiah US defense nih cathanh arak tuah cang mi asi, China jet 35 hna nih Taiwan Airspace an zuanter tawn ruang ah atubantuk in Pacific drill hi ngaih asi.

US Air Force’s hna nih Fighter Jets an bohchan bik mi hna, F-22 Raptor hna China anrak uar ngai ngai mi le cu bantuk Jet tuah ve an timh mi cu, atu ah hin US nih mah Jet hna cu Guam lei ah Operation in Pacific Iron 2021 ngei ding ah an chuahter cang tiah thei asi, mah cu China nih atheih tik ah thin phu depdep in zan it kho lo in a um cang cu!

US Air Force hna nih hin Regular Exercises ngei sawh sawh ding ah kal asi lo timi cu afiang ngai ko, Taiwan vennak le bawm pah ding in asi, cu pin ah China nih Taiwan ADIZ ahaduh can poh ah alut mi duh lonak le lehnak pakhat asi, western Pacific lei ah Airport hna raldoh nuncan cawn pah ding ah kalter asi, China nih aduh lo ngai nain tingainak athei bak tilo.

US le China ingiarnak boruak ah China nih Taiwan cung ah an thil tuah mi hi, Taiwan nih atuar peng ding asi lo, Military.Com tar lan ning ah cun US Air Force 5th-generation fighter tuah hmasa bik arak si, ‘one of the most advanced fighter plane in the world’ tiah arak ti mi asi, CNN tar lan ning in US Air Force nih hin F-22 Raptor hi operation a hman khawh mi 180 an ngeih, China nih South China Sea a cuhpi mi hna ahrocer peng le Taiwan le Phillipines tiang in US nih ram hme deuh mi hna himnak hauh piak in atu bantuk in thil atuah mi asi.

China umtu ning hi vawlei nih kanrak thei cang bantuk in, mah zawnruah in ram hme hna sin ah mission atuah mi hi thil dik asi lo caah, US nih cun vawlei cung ram hna hi remdaihnak um ter hi aduh rang ah atu bantuk in China thil tuah mi duh lonak langhter in Air Force 25 hna cu Guam ah anrak cawlcang ter khi asi.