US nih Ukraine ah hriamnam aphanter cang, Canda le UK zong nih aphanter cang, Germany nih cun hriamnam in bawm atim rih lo, ralpi anai chinchin, Russia, China an tangti lai,
Tu lio vawlei hmun kip ah remdaihnak a um kho ti lo caah hin, atu lawlawse buainak bik hna cu South China sea ah buainak asang peng ko cang, Ukraine le Russia karlak le NATO le America hna nih Ukraine himnak ding ah bawm an tim, mah long si lo in Tauwan le China karlak buainak zong asang deuh deuh ko fawn, kan kawl ram tiang buainak long khi asi cang, atu ah hin idoh mai ding ready cang mi ah hin Russia nih Ukraine thuat an timnak kong ah ram hruaitu hna nih Ukraine bawm ding ah Canada, UK, Australia, US hna zong nih hriamnam le thil dang dang hna zong Ukraine ah hin an luhter thluahmah ko cang khi asi, zei tik cang dah idohnak ni asi lai timi tu long hi asi ko cang.
US defence aid cheukhat hna nih Ukraine khuapi Kiev ah aphan cang, Germany nih cun Ukraine cu hriamnam he bawm atimrih lo, kan hnu zar ah khan Canada zong nih hriamnam zei maw zat Ukraine ah an phanter cang tiah kanrak langhter cang, cu bantuk in UK zong nih hriamnam thatha Ukraine ram ah an phanter cang fawn, cu ti asi ah cun ralpi zeitik ni can longlong hi hngah asi ko cang lai? US Embassy nih cun Kiev sin ah US aid cheu khat a phan cang kong nihin ah an chim piak hna khi asi, US aid avawikhatnak ah hin $200 million security support package chung ah Ukraine ralkap hna ral hmai ah an hman ding mi meithal mu le thil dang amin langhter lo mi tampi an phanter dih cang tiah an thanh cang.
2014 in US nih Ukraine security a bawmnak hi $2.7 billion asi cang, Russian aggression lian ngai mi he Ukraine nih cun UK in Anti-Tank Missile an ngah cang fawn, Ukraine’s defence minister nih US aid an ngah hnu ah hin Washington cu lawmnak bia achim piak, German Defence Minister Christine Lambrecht nih”Ukraine tension ah hin hriamnam in kan bawm rih lai lo, boruak kan zoh rih lai atu ah hriamnam kan supply ah cun remdaihnak a um lai lo ati.
Ukraine tension ah Russia nih aho ram zong sise ka tih lo tiah achim, Russia Tass News Agency tar lan ning ah East le West, Ukraine tension karlak ah Russia nih aho ram hmanh tihnak ka ngei lo tiin alanghter, Atu hi Russia faknawn in aholhnak bi kasi, deputy foreign minister Sergey Ryabkov nih “We are not afraid of anyone, even the US” tiin Ryabkov nih US karlak le khat lei ah Russia nih an ram security caah an duh letnak a pek lai, mah lio ah hin US nih hmai zar in NATO naval exercises, Mediterranean rilipi ah aircraft carrier USS Harry Truman he Neptune strike 22 an ngei cang lai tiah anrak phuang bak hawi cang khi asi, Russia zong nih Naval drill hi an ngei ve lai tiah ati.
Neptune strike 22 is going to run through February 4 and it’s designed to demonstrate NATO’s ability to integrate the high-end maritime strike capabilities of an aircraft carrier strike group to support the deterrence and defence of the alliance,”said Pentagon spokesman John Kirby.