US President Joe Biden nih Russia in Oil an lak mi vialte lak piak ti lo ding in biachahnak an ngei cang US le Allies hna hi an buai lai maw? Putin athin alin chinchin!
US President Joe Biden nih Russia in Oil an lak mi vialte phih,
US President Joe Biden nih Russian in oil, gas le energy an lakluh mi vialte lak ti lo ding ah fiang ngai in anrak phuang cang khi asi, White House tar lan ning in President executive order hmang in Russia energy sectors zong ah investment tuah cu sianh lo/bans cawlh asi kong an langhter fawn, US President Biden nih Russia oil, gas le energy lakluh stop cang ding ah decision tuah cu thil harsa ngai asi ko hmanh ah, an Allies hna he bia tak tein chim le ceih asi hnu ah atu bantuk in biachah/ decision hi tuah asi tiah achim, Russian oil imports an lak ti lo ah cun Russian economy bik le ahngahnak bik,..the main artery of Russia’s economy’ cu target bi kasi kong achim fawn.
Mah lio ah hin US nih oil le refined product ah imports 8% hrawng hi Russia lei in an lak luh mi asi, an buai ve ko lai lo maw? Atu dirhmun ah US zong ah oil le gas man a sang ngai ngai cang, kum 2008 July thla ah, oil le gas man asang lio ah khan gallon 1 man $4.11 asi lio nak in atu ah hin asang ko cang khi asi, atu ah hin 1 gallon of gas man cu $4.14 asi cang, asang chinchin ko lai tiah zum asi fawn, US le UK hna nih Russia lei in oil imports an stop nak hi Europe ah an allies nih an joint ve asi ah cun Europe ram hna zong nih an tuar ve ngai ngai lai khi asi ve, EU ram hna nih hin an mamawh gas 40% hrawng hi Russia lei in an lakluh mi asi, UK zong nih hin an mamawh oil 6% hrawng hi Russia lei in an lak luh mi asi.
Mah bantuk boruak a um lio karlak ah hin Putin hi athin alin pah chinchin rua, Russia zong nih Germany ah an main gas pipeline cu an phih/stop piak ve khawh ding dirhmun asi Putin cu ahrocer ve bak fawn cang khi asi, atu ah Russia-Ukraine war kal cuahmah lio zong ah Putin nih hriamnam thatha hna he Ukraine cu fak nawn in an thuat deuh deuh ko, mah boruak lio ah China zong nih mah buainak karlak ah remcangnak lak riangmang in, Russia lei in pipeline 3 hmang in gas lakluh ding ah kalpi cuahmah ve lio khi asi, Business, Energy and Industrial Strategy Committee, Mike Bradshaw, professor of global energy at the University of Warwick, nih China le Russia nih hin The Power of Siberia pipeline in gas pipeline an tuah khawh laik hi asi, Russian-Ukraine war ah US le allies pawl thil play ning ah hin, vawlei pumpi economy hi zei bantuk tiang dah harsatnak a um lai?? Timi hi asi, kan mah sifak rethei mi hna tiang nih kan tuar khawh men fiang in chim thiam ahar ngai ko cang dirhmun khi asi.
Ref : bbc/cnn/Al-Jazeera etc