US President Joe Biden policy hi America ca long silo in Vawlei cung khawika ram ca hmanh ah arak tha lo dih khi asi cang?

Civil rights attorney Leo Terrel nih cun Commander in Chief Joe Biden cu arak sik bak cang, America President hi vawlei cung ah buainak a um zong ah khawkhan lairel an thiam lo ah cun President mawhphurnak asi bantuk in, atu ah hi Joe Biden zong anrak soisel tuk cang hna, Trump nih ramchung ram leng policy ngeih mi vialte hna cu, Biden nih Excutive order hmang in arak hlonh piak dih ko kha mu, amah nih zei hmanh policy tha ngeih setsai lo in, soiselnak Ar bawm asi ko cang.

Terrell, hi Fox News “Hannity” host hmai ah arak lanhnak ah, Biden policy cu khawika hmun hmanh ah tlam atling lo mi asi dih tiah asik bak ko, “Joe Biden hi America ah politicians puitling tak asi lai tiah kan ruah ko nain arak si lem lo, Gas man a sang, Southern Border ah illegal migrants hna buaipi cawk lo asi, America hmun kip ah crime rate a sang ngai fawn, Tipi khat lei ah siseh Biden Doctrine nih hin America nak in kan ral asi mi hna lawmter tu asi bantuk khin asi, hmantlak lo bik president asi tiah ati.

Terrell nih hin Biden cu America ram chiatnak mawhphur tu tiah puh asi, Canadian-American pipeline project-10,000 union jobs rian um khawhnak stop tertu cu amah asi, Biden nih Russian President Vladimir Putin cu, gas pipeline supply energy Germany le Central Europe lei ah kalter rem ati caah, Biden cu US ram zuartu le chiattertu dik tak asi tiah ati fawn.


Biden nih hin rian tuan ding umcia mi hmanh stop/khamh piak asi, US ram le mipi zawn ruatnak pakhat hmanh angei lo, Afghanistan in ralkap hna fel fai tein lak asi tiah bia akam, Plan tha ngai umcia bantuk in a chim, Sihmanhselaw atu ah zei thil dah kan hmuh lio mi hi? Taliban hna nih Afghan an uk deng mang cang ko hih! Biden riantuannak hi pakhat tal nih hin, Americans hna caah nun nuam le zalongnak aphan ter maw? naisai lo khi asi tiah faktuk in soisel atong ko cang hih!