Vawlei cung ah Dictator hna khawkhan lairelnak cu, setan nak in an lungput cu mah tluk in maw? arak rapthlak ko? mah ram hna le minung cu??

Dictator cu ram pakhat ah khawkhan laireltu, amah nawl in duh ning in nawl ngeihnak dih lak in, ram chung mipi hna cung ah siangpahrang phun in nawl ngeih tu asi, mah dictator pawl hi mipi nih hlonh khawh lo mi hna an si, mah caah cun ram le mipi nih anrak tuar ngai tawn khi asi ko, vawlei cung ah dictator khawkhan nak cu kan theih ceu bantuk in, Uganda President Idi Amin-kha misual turu tuk mi asi, zei hmanh poi tinak ngei lo, minung sa zong an ei tawn timi kha asi, vawlei cung Human Rights pawl dang dang hna nih Human Rights Watch, Freedom House, Reporters Without Borders le Amnesty International hna nih, vawlei cung ram hruaitu hna chung ah an thim mi tlawm te kanrak langhter lai.

1. OMAR AL-BASHIR (President of Sudan) : Mah Sudan President nih hin kum 2003 in civillian minung 180,000 hrawng anrak thah cang tiah tuaktannak ah theih asi, mah pin ah Darfur buainak ruang ah, minung 2 million cu umnak ngei lo in arak umter cang kha asi, Southern Sudan hi Christian tamnak le Christian tupung hna umnak ruang ah, faltuk in acoyah nawl ngeitu Omar al-Bashir pawl muslim acoyah nih cun, anrak hrem tuk tawn khi asi, Ralkap hna cu khua dang dang hna ah kalter in, refugee camp hna, minung umnak in hna, cu mei khangter dih khi asi, mah Christian hna umnak pawl hi antuar bik mi asi, mah ruang ah hin Africa ram ah faktuk in mangtam atlung khi asi.

2. KIM JONG-IL (Leader of N.Korea) : Kim Jong-il nih khan a damchung vialte cu khawkhan nak akut ah a um ti awk asi, A ram mipi duh ning cu chim ve sianh piak asi lo, US President hlun, George W. Bush zong nih N.Korea hi tih anung mi hriamnam nuclear weapons tuah timh asi ruang ah, US Terror List ah le Axis of Evil ah arak telter cang, Kim Jong-Il- khawkhannak tang ah media hna nih zalongnak an ngei lo, acoyah zong akut chung ah nawlngeihnak a um dih, Kim Jong-il khawkhan nak tang ah minung 250,000 nak tam hramhram in hremnak pek asi, mah caah cu ram dang bawmnak zong alut tuk lem lo khi asi, Ngakchia ei/din ngei lo mi an tam ngai tawn khi asi.

An pawng ah um mi S.Korea he zong an irem lo ngai khi asi, S.Korea cu democracy acoyah asi caah an inuam ngai mi ram asi, an zalong ngai ngai fawn, N.Korea mipa ngakchia hna kum 7 upa hna cu an ei a chiat tuk ruang ah, S.Korea-ngakchia hna bantuk in athang kho lo, ader ngai ngai khi asi tiah, UN Food Programme hna nih cun an chim mi asi, Japanese Professor pakhat nih Kim Jong-il hi kum 2003 ah khan a thi cang, asi nain Communist acoyah nih cun thi lo bantuk langhter an timh caah, a lem lem in (dummy) khawkhan lairel ter an si tiah an chim.

3. GEN. THAN SHWE (Supreme Leader of Burma) : Kum 1992 in khawkhan lairelnak arak ken cang kha asi, atang ah hin mipi zalonnak ngei bak lo mi asi, media hna zong faktuk in khamh asi, Kum 2005 November ah khan zei hmanh chim cia ngei bak lo in, Myanmar khuapi cu, Rangoon in km 245-hlat nak Pyinmana ah thial tawp kha asi, acoyah riantuan kal duh lo mi hna cu an hrocer pin ah banter an si kha mu! Than Shwe tang ah hin ngakchia hna cu hramhram in ralkap ah luhter an si, sal riantuan bantuk in ahmang hna, Deomocracy cu ke tang ah chiah in mipi nih an thim mi, Daw Aung San Suu Kyi zong aleng ah chuah khawh lo in hren peng kha asi cu mu!

4. ROBERT MUGABE (President of Zimbabwe) : Kum 1980 in Zimbabwe President sinak arak tlaih cang, atu ah kum 82 Upa asi cang, Kum 2000 ah khan Land Reform in Zimbabwe President nih hin Mingo (White) huatnak upadi arak ser khi asi, an ram chuh piak in mirang hna cu faktuk in an hrem hna kha asi, mah ruang ah cun atu ah an ram chung ah thil man asang ngai caah, US dollar khat le Zimbabwe dollar 1million tluk asi, Kum 2005 ah khan Mugabe nih minung 700,000 hrawng cu an in le lo, dum hna in an thawl hna, an dum le ram hna cu man ngei lo in an lak piak ko, minung tampi hna cu England ram ah an zam hna khi asi, mah ruang ah cun economic lei ah phih an si ve, Zimbabwe cu ram sifak rethei bik arak si ko cang asi apoi bak ko.

5. ISLAM KARIMOV (President of Uzbekistan) : Kum 1990 in President sinak arak tlaih, amah dohtu politician le businessmen tampi hna cu jail ah chiah asi, acheu cu hremnak pek in an thi hna, A tam u cu thi lak in an kah hna, Amah dohtu hna cu ralkap hmang in an kahter hna khi asi minung athi mi hi an tamtuk, Kum 2005 ah khan minung 10,000 hrawng cu duh lonak lam an zawh mi hna cu, zeihmanh chim lem lo in ralkap hna an kah ter dih khi asi, Amah hi zei hmanh sualnak ngei lo ding ah Upadi tuah chawmh mi anrak hmang mi asi, amah le a chung hna cu zei upadi hmanh nih dantat kho lo khi asi.

6. HU JINTAO (President of China) : China cu economy ah an thang ngai tiah vawlei nih kan theih ko, asi nain China minung 150 million hna cu sifak rethei tuk khi asi, nikhat ah US dollar khat hmanh ngah lo mi an si, China nih khuapi lian le lang deuh mi hna thangchoter asi lio ah, ram chung sifak retheihnak nih anrak tuar ngaingai khi asi ko, Hu Jintao-khawkhan nak tang ah political prisoner minung 300,000 cu hramhram in riantuanter in ram tang ah kuat asi, Internet le telephone vialte hna zong acoyah nih tlaih piak dih khi asi, Press freedom a um lo, TV le radio channel hrimhrim hi acoyah ta asi dih ko, Olympics 2008 ah khan an tuahnak hmun hma cu Beijing khuapi ah um mi hna minung 400,000 hrawng cu hramhram in dawi le an in chiatter dih kha asi.

7. KING ABDULLAH (King of Saudi Arabia) : Saudi Arabia ram chung hrimhrim ah phone call hna hi acoyah nih record dih asi, Mobile phone zong camera um mi phun cu ngeih khawh asi lo, khamh dih asi, Media hna ah hin acoyah le Siangpahrang chung hna soisel nak tial hi khamh dih asi fawn, Nu hna nih an nuta or unau taktak asi lo mi cu alenglei ah kalpiti khawh asi lo, kahmh bak asi.

8. SAPARMURAT NIYAZOV (President of Turkmenistan) : Mah pa hi kum 1990 in atu tiang khawkhan lairelnak atlaih rih ko, Car tape hna, music hna le ithit umnak ah music play le lam ti bantuk hna hi an ram chung ah khamh dih asi, ralkap acoyah nak (martial law) tuah aduh caah, an ram chung si/medicine lei thiam minung 1,5000 hna cu an bangter dih hnu ah, si/medicine lei thiam lo mi cu ralkap ah an chiah hna, Doctor hna nih biakamnak an ngeih hnu long ah, Hippocratic Oath cu lak cu an sianh piak, amah min in biakamnak an lak hnu long ah Doctor atuan kho lai tiah an phuang.

9. TOEDORA OBIANG NGUEMA (President of Equatorial Guinea) : Kum 1979 in mah khawkhan lairel nak hi arak tlaih cang, an ram chung minung hna hi, an duh ning in hrem or tlaih khi asi, pumpak zalongnak a um lo hrimhrim, media le cabu zuar hi khamh bak asi, Oil lei ah an rum ngai ngai ko, asi nain mah an rumnak vialte hi, amah nih an lak dih, kum 1995 ah khan US dollar 700 million cu amah private bank account ah an chiah dih tiah theih asi, an ram chung mipi cu rawltam tihal in thi deng mang tawn khin a um ko.

karak peh than te lai!