Vawlei pi nih hna ngamnak a ngei ti lo, ruah lopi in Russia nih Nuclear forces strategic exercise thut, NATO Alliance ram hna zong nih training drills a ngeih ve cang fawn khi asi,

MoD Russian MilitaryNuclear Training Drills – Russian Armed Forces hna nih cun NATO Alliance ram hna nih, Nuclear Weapons hman sual asi ah cun tiah, military an ngeih lio ah, an ngei ve hna cang khi asi, Defense Minister Sergey Shoigu pawl an cawlcang ning cu, President Vladimir Putin nih an zohpi hna, Russia nih Nuclear forces strategic exercise an ngeih thutnak chan cu, nizan ah  khan nuclear forces exercise an ngeih ding kong hi tar lan asi, NATO thin a khenh bak cang!! Russian Tu-160 & Tu-95 strategic bombers, Submarine nuclear weapons phur khawh mi hna cu, NATO borders ah tampi hmuh asi.

A pi deuh deuh ko cang, Foreign policy nih Russia le Iran hna nih Ukraine thuatnak ah ralkap hna caah, former Afghan commandos hna tampi an lak hna fawn cang an ti, Ukraine nih cun Russia nih elite commando corps of the Afghan National Army hna, an hmang cang tiah ati ve fawn, ralkap minung 10,000 leng hrawng former commandos an hman khawh tiah report ah langhter asi.

Mah lio ah ChenChen warlord Ramzan Kadyrov nih cun Russia hi an nep tuk tiah ati, Warlord hi mi nun hrohrang ngai mi, a fapa 3 hna, kum 16,15 &14 hna zong Ukraine idohnak ah a kalter aduh, Ramzan Kadyrov nih hin zei ruang dah Russia Ukraine invasion hi thla 8 chung an cawlcangnak hi nep/san tlai lo tiah ati bak mi asi, Chechen warlord Ramzan Kadyrov nih  Russia tactics cak/thawng lo hi a soisel ngai, ‘The Kremlin colonel general hna cu Ukrainian cities hna cei lak in thuat hna u, Martial law phuan asi cang zei dah nan hngah?? Tiah ati.

Kap dih hna u, zeihmanh ven ding a um lo, Kan cawl ning ah hin ka lungawi lo kan cak/tei lai lo ati fawn, vawlei cung ah Ukraine khuapi hna hi um ti lo ding ah chiah dih cang hna u ati, Russia ralkap hna nih nuclear raldoh ning hi, Arctic tipi Barents Sea le Kamchatka Peninsula, Far East hmun ah an ngeih lio cu, Control Room in President Putin nih arak zoh peng khi asi, Defense Minister Shoigu nih hi bantuk  nuclear hriamnam hmang in, raldoh ninglam hna an exercise hi ral hna nih, Nuclear hmang in anrak thuat ah cun, rak doh ve nak ding ah tuah mi asi tiah an ti.

Vladimir Putin nih hin Commonwealth of Independent States (CIS) ram Special Service hruaitu hna sin ah, Ukraine nih cun Donbas hrawng Kherson region-ah “Dirty Bomb” hman tim bantuk in a puh than kha asi, an puhnak chan pakhat cu Russia nih atu bantuk Nuclear weapons Drills exercise angeih hna hi, ram dang hruaitu hna nih an soisel ngai ngai lio ah, Ukraine cu advantage lak in arak puh tawn nak asi, mah pin ah Ukraine nih Nuclear hriamnam a ngei lo hrimhrim khi asi, Russia nih Nuclear arak hman sual ah cun, Ukraine nih “Dirty Bomb” an hman tiah puh awlnak ding ah an timi asi.

Russian Defense Minister Sergei Soigu nih, Ukraine-nih “Dirty Bomb” hman an tim tiah, intelligence report an ngah tiin US, France le Britain Defense Secy/Minister hna cu, phone he chawnh in an chim piak cang, nain US, France le Britain hna nih Lih phuah chawm mi asi (false flag attack) tiah ati piak hna, an mah Russia tu nih cun Ukraine ah “Dirty Bomb” hman an tim ruang ah, hi bia hi an darh ter mi asi tiah an puh let hna, cathanh nak tuah cwalh in Ukraine himnak ding ah, hriamnam le tangka tampi hna he bawm an si lai tiah Russia theih ah arak phuan piak bak cawlh ko.

US President Joe Biden le NATO chief Jens Stoltenberg hna nih cun, Ukraine-nih zeihmanh “Dirty Bomb” hman ding an ngeih lo, Russia nih hman a tim ruang ah Ukraine an puhnak asi tiah Putin an puh let hna, President Biden nih cun Russia-nih tactical nuclear hriamnam siseh, nuclear bomb siseh, an hman bak ah cun  lehrul nak hi an ram nih an tuar pin ah, thil thalo nih faktuk in azulh fawn lai (serious mistake) “tiin Russia hrocer chih asi, Jens Stoltenberg zong nih NATO ram hna nih an zoh liamter bak lai lo, Ukraine le Europe himnak ding ah, hmalak in lehrul cawlh asi lai tiah ati ve fawn.

Russia nih UN Security Council-ah Ukraine nih “Dirty Bomb” an hman ding hi closed-door meeting ah ceih aduh tiah, UN-ah Russia aiawh nih cun pages 5 bak catial a pek khi asi, nain zeihmanh fianternak a um lo ati piak, UN Security Council ah members 15 hna chung ah Ireland, Gambia le ram dang hna nih cun “Russia cu Ukraine ram chung in lakchuah dih in ceasfire ngei ding in phut/nawl in UN Gen. Assembly cu vawlei ram dang duh ning in, Sept thla ah an langhter cang, UN Gen. Assembly biachahnak tuah tihzah piak ding ah, Ukraine ram chung regions 4 an ram ah tel (annexed) piak cu, twapter cang se ati.

Sept thla ah UN Gen. Assembly ah khan Russia nih Ukraine a thuat soiselnak le idohnak tawpter ding ah vote lak siin, ram 154 leng nih, Russia cu thiamlo a coter cang kha asi, ram 5 longte nih Russia support in vote an pek mi asi, ram 30 nih vote an pek duh lo kha asi.