Vawlei thil man asang chinchin nak cu Joe Biden Administration nih ram hruainak athiam lo ruang ah hin harsatnak le thil man asang cho deuh deuh cang,
US President Biden administration nih inflation kong ah harsatnak fakpi in kan tong cho lio asi, kum 40 chung ah US ah hin Gas man pin ah thil dang man zong asan lio bik kan phan cuahmah khi asi cang, Consumer price index (CPI) cu nikum May 2021 nak in tukum ah 8.6% leng in asang choc ang tiin The Washington Post nih atar lanng mi asi, Poll tauh tawntu Rasmussen Reports nih President Joe Biden approval rating a thar achuahter nak ah, Joe Biden nih American mipi 38% hrawng long nih an duh cang lio asi, Joe Biden duh lo lei ah 60% bak nih an duh ti lo tiah poll result ah alan ning asi, Biden a niam bik cem lio dirhmun asi, American 74% hrawng nih atu ah Biden administration nih ram hruai ning le kal ning ah an duh ning atling lo lio ah, 21% nih cunt ha an ti ve khi asi.
A tu ah hin US-ah gasoline gallon khat man cu $5 in akai choc ang, a san lio kan tong cang, Washington Post-George Mason University Schar School of Policy and Government survey result ah cun, American mipi 66% nih cun atu bantuk in kan kal peng asi ah cun, inflation hi a zual chinchin lai an ti, 21% nih cun atha te ko lai an ti, 12% nih cun atu bantuk in an kal peng an zum ve fawn, atu lio thil man sang cho lio ah hin, American chungkhar tampi nih cun kum khat ah incomes $5,520 hrawng an hloh lai tiah, March thla ah anrak chimcia mi asi, atu dirhmun ah cun mah nak tam an hloh lai tiin, Mooody’s analyst nih an tar lang mi asi.
Bloomberg nih cun inflation ruang ah hin tukum 2022 chung in American chungkhar/family pakhat nih $5,200 an hloh lai tiin an tuaktan mi asi, mah cu thlakhat ah chungkhar pakhat nih $433 an hloh/cawibelh lai tina kasi, US ah hin Gas man hi a zawn bak in ni 13 chung a man a kai cho cang, atu ah hin a tlangpi in gas gallon khat man cu $5 a si, president Trump can lio nak in a let 2 bak in asang cho cang tiah, GasBuddy nih alanghter mi asi, JPMorgan commodities analyst nih California ah cun Gas gallon khat man hi $6 in a kai cho cang tiin atar lang fawn, rampum deng mang ah Labour Day hlan ah gallon khat man hi $6 ah a kai cho ding ah zum asi fawn.
Atu bantuk in Biden administration ram hruainak tang ah, thil man sang cho ruang ah hin, Republican long si lo in Democrats lei mipi hna zong nih an phun anzai ngai ngai ko cang, President Joe Biden hmalak thiamlo ruang le mah harsatnak azia um deuh ding lam an theih lo ruang ah asi tiin, Social media lei zong ah Biden duh atling lo nak le soiselnak holhka zong atam ngai ngai ko cang khi asi, America ram nih ram hruaitu Uktu tha an her cangnak kong hi news site dang dang hna ah soiselnak atam bak ko cang.
Ref : Washingtonpost