Vawleipi an buaiter taktak ko cang emergency in embassy riantuantu hna Spain, Denmark, Norway, Netherland, US le UK nih aran khawhnak chung in lak an timh cang,

US Troops 3000 chung ah akal hmasa hna nih Kabul aphan cang hna, US Embassy staff, Afghan le an chung hna cu van lawng in an hruai hna lai, US embassy staff hna cu document pawimawh hna cu meikhangh in computer ah thil pawimawh um mi hna hlonh dih ding in theihter asi cang, Pentagon spokesman John Kirby nih battalion cu Kabul an phan cang, Army battalions le Marine vanguard hna zong Kabul an phan cang tiah an phuang cang, US nih hin lak ding an ngah ngai ko, 5,000 troops hna cu Qatar & Kuwait base ah an chiah hmasa lai tiah thei asi.

Kabul’s airport le US diplomatic compound, Green zone karlak ah Helicopter he hel pengter asi, Spain, Denmark, Norway & the Netherland hna zong nih an embassy in an mi le sa hna an lak ve cang, UK nih an embassy mi le sa lak ding in ralkap 600 an kalter cang fawn, Canada nih Afghanistan in asylum seekers hna cu vanlawng lian in, minung zei maw zat cu Toronto ah an tumpi cang fawn, Taliban hna nih Afghan khuapi pawimawh -Kandahar & Herat hna cu an thutpi chih cang khi asi, “Afghan the vice-president, Amrullah Saleh,” zong an zam cang tiah thei asi, US military intelligence hna nih Kabul cu ni 30 chung in Taliban nih an lak an zumh.


UN secretary general, António Guterres nih Taliban hna nih nu pawl an hrem ning an hmuh cu alungthin afak ngai ati, UN nih Afghan ram pawng um mi hna an zam khawhnak hnga, border khar lo ding in nawlnak atuah ve fawn, Pakistan zong nih Border khar lo in Spin- Bolak strategic points Afghan mipi zamnak ding ah lam onh piak asi, Pro-Taliban social media accounts hna nih Afghan forces hriamnam an tlaih piak mi news site ah anrak post tam ngai ngai ko cang.

UK Boris Johnson nih Afghanistan ram chung buainak ah ram leng um mi nih ralkap tha zang hmang in, an ram chung buainak remdaihter cu thil tha bik asi lo tiah ati, Nain Afghanistan hi terrorist pawl arak thancho lo nak ding ah, international community hna lungrual tein kar thlang hna u sih law tha ati, mipi venhim belte cu tuaktan atha ngai ati fawn.


Republicans lei hruaitu hna nih Joe Biden nih Afghan withdrawal tuahnak ah thil ruahman nak, a fel lo ruang ah, “President Biden’s Saigon moment ” a phan an ti, Vietnam war lio ah America min chiatnak bantuk kha asi lio ko hih ati, Atu Afghan ram chung ah foriengner le Embassy staffs vialte hna cu emergency taktak in lak dih cawlh asi cang lai tiah news site ah langhter asi cang.