White House ah thu than ding in 2024 ah Donald Trump “Come-back” atimh, arak kirthan lai tiah 99% in afiang cang “Ivanka Trump”

Ivanka, 39, Jared, 40, Joseph, 7, and Theodore, 5 hna he an chungkhar in Florida lei ah can an hman, Ivanka hi apa a tlak hnu ah hmuh ding a um lo ngai, Ivanka nih hin apa nih 2024 ah Presidential seat a cuh than asi lo ah cun politics ah a mui langhter atim lo tiah achim, Donald Trump Former spokesman Jason Miller nih, Joe Biden Afganistan ah cawlcangnak achiat tuk ruang ah Trump zong arak langh than nak asi, “Nizan ah khan can sau ngai ichanhnak ka ngei, 2024 ah hin a dir than lai tiah 99-100% hrawng in kafiang ati, Florida GOP Rep. Matt Gaetz nih Biden Afghan achiatnak hi Trump caah dirhmun tha asi ati, 2022 Mid terms House le Senate ah teinak angah khawh nak hnga candidate hna campaign pi nak ahman lio khi asi.


Tu lio Biden Admin cu Afghanistan kong ah ancawl ning a chiat ruang ah, US President hlun Donald Trump nihthawngpang thar arak ngeih cuahmah lio asi, US media dang dang hna ah Trump-nih President Biden-cu Foreign Policy tlamtling lonak kong ah, soiselnak kong mipi theih ah arak auh cuahmah pi ko, Trump nih hin kum 2024-ah US President cuh ding le White House ah thu ding in “Commander-in-Chief” si atimh mi cu fiang deuh in achim rih lo nain, US mid-term election-ah Grand Old Party (Republican) nih teinak ding ah, State dang dang ah campaign hramthawh pah len in, Republican Party National Convention Comtt Level-zong ah, kum 2024 zoh pah in Conservative mi le sa hna cu iremhter lio asi, mah hna nih cun Donald Trump caah lam kawl piak cuahmah ding asi lai.

Politico-nih atial ning ah, Trump- Campaign Advisers ah atel ve mi, Jason Miller nih kum 2024-ah cun Donald Trump nih White House ah thu than ding in arak kir than “come-back”a tim mi cu afiang ngai ko cang, 99%-100% tiin a chim mi zong asi, hi ti hin asi ah cunh GOP in President cuh atim mi cheukhat nih cun, US Presidential Election arak um ding caah ticket ngah ding ah Primary Election tuah lo in, Donald Trump caah lam onh piak hi an tim tiah media cheu khat hna ah an langhter asi.


Donald Trump nih hin naite ah khan US national media-ah interviews ngeih tawn in, press-statement arak chuah peng fawn, Political Analyst hna nih cun kum 2024-ah rematch ngeiin Biden cu tei hrimhrim ding in hma lak atimh tiah ati, Trump nih hin White House thutdan ah thut than atimnak hi, GOP lei nih midterm election-ah Senate ah siseh, House ah siseh, Congress chambers pahnih ah teinak an hmuh ning in akal ko lai, Trump nih Iowa le Florida state-ah thawngpang ngeih atim fawn cang khi asi, Iowa state-ah hin Political Action Comtt (PAC) hmalaknak bantuk amah tantu (pro-Trump) hna nih American mipi lungthin thathoter ding in, “America First conservative values” arak langhter lai.

Ohio state Rep. Jim Jordan nih, Trump cu 2024-ah President a cuh than lai ati, Afghanistan-ah thil cang buainak achuah hnu ah cun, arak kir than Come Back ding ah ready asi cang tiah ati, Trump hi White House ah ark thut than khawh ah cun, kum 78 asi ve cang lai, President Ronald Reagan-nih term 2 a atlaih hnu nak in upa deuh cang lai khi asi, Donald Trump nih tukum 2021 ah thla 6 chung te ah, political committee 3 nih US$ 82 million fund arak ngah manh, Conservative media lar ngai mi Sean Hannity, Fox News le Rightwing media One America News (OAN) Network-hna ah arak larter than ko cang.


Tony Fabrizio, Trump- “Save America” tiah Polls tuahtu nih cun Trump nih cun a dik ah siseh adik lo ah siseh, ithimnak ah vote dik lo ruang ah hlonh asi tiah aruah caah, athin ahung ngai ngai, President Biden nih Trump-Foreign Policy tlamtling ngai mi cu zei ah rel piak lo in, (mess)-ah cangter cu, Kabul in mualpho ngai ngai in US ralkap hna an lak ning ah, Trump nih arak ruahman ning bantuk in kalpi ding ah tiah achim ko nain, amah duh ning in akalpi ruang ah mualphonak long si lo in Trump cu alung afak ngai tiah ati.