Withdraw Vladimir Putin hi Ukraine he idoh kan duh lo ati nain zum tlak taktak asi lai maw? 2014 ah Crimea an ram chung ah an luhter bantuk asi khawh men?

Putin nih Ukraine a thuat lai maw tiah kan zoh lio ah Peacemaker bantuk in arak lang than cang, Idohnah kan duh lo tiin US & NATO hna he European security -ah ibiakchawnhnak ngeih aduh tiah, press conference  German Chancellor Olaf Scholz he an ngeih nak ah a chim, Putin nih West pawl he arms control treaties,  military drills etc ceih an duh ko hmanh ah, Ukraine’s eastern Donbass region – Moscow-backed rebels hna umnak zong Agenda ah tel asi kho men, Dmytro Kuleba, Ukraine’s defence minister nih “Bia theih long hi kan zum lo, a taktak an cawlcangnak kan hmuh long ah kan zumh lai” tiin Russia ralkap unit hna kirnak thawng pang hi atak hmuh asi long ah zumh tlak asi lai atak hmuh ding a um hlan tiang cu, Vladimir Putin hi zum ngam ding asi lo tiah achim.

Putin “Idoh kan duh maw? Duh lo, mahruang ah cun dakaw ibiakchawnh hi ngeih peng kan duhnak cha nasi ati, Nain Putin cu Kum tampi History kan zoh cang NATO Bloc hna ah hriamnam thatha le ralkap hna kan chiah lai lo anti nain, atu ah tampi anrak chiah thiamthiam khi asi, Nihin ah thil an tuah lo hmanh ah thaizing ah an tuah khawh, Ukraine ramri naite ah cun midang Missile anrak chiah mi hi hnangam ding asi lo, thaizing ah zei thil dah aphan lai theih khawh asi lo, mahruang ah cun ataktak in ibiakchawnh long long ah remdaihnak kan tuah khawh mi khi asi.

West pawl nih Putin an zumh lo nak hna cu, Ukraine le Crimea border in Russia ralkap unit cheu khat kirter lio video kan rak hmuh, US nih verify tuah an tim ve lio fawn, Liz Truss, UK defence secretary nih Russia withdrawal ngeih lio cu “false flag’ operation lem cannak asi” Moscow nih Ukraine invasion a ngeih ti mi thupternak asi khawh ati, PM Boris pawl zong nih Cobra emergency committee an ngei lai tiah an chim fawn, Putin hi zum tlak/ngam taktak asi maw? West pawl cu tlawm palte tha adam deuh ko nain, Sihmanselaw Syria ram cu 2016 ah khan Putin nih dictator Bashar al Assad, Syrian civil war lio ah ka bawm ko tiah ati, Russia ralkap tlawm palte an kirter ko nain, 2020 ah khan cun Tartus & Hmeimim ah base fek ngai ngai an ngei kha asi, Cun Crimea cu 2014 Euromaidan revolution ah Ukrainian president Viktor Yanukovych an chuahter kha asi, mah hnu ah Putin nih cun Crimea cu an uknak tang ah an luhter daih kha asi ko kha.

Mah can lio hna ah Putin cawlcangnak cu kanrak theih fiang ngai ngai cang caah, atu zong ah kha bantuk system phun in atu ah hin Ukraine ramri in hriamnam le ralkap tampi an chiah mi cu kan withdraw dih cang lai tiah Bia in an chim ko, tlawmpalte cu an kirnak video anrak langhter ko nain, ataktak in an withdraw theng lai lo tiah US le NATO hna nih an zumh, mah caah cun US zong nih verify tuahter cawlh khi asi, remdaihnak a um taktak ko cang lai tiah, fiangte in chim khawh cu asi rih lo timi hi politic Analysts hna tuaktan ning asi.