WOWO: Vawleicung Evangelist Minthang Billy Graham Fapa Franklin Graham Nih Donald Trump Sin ah lawmhnak Bia A Chim.

Vawleicung Evangelist minthang Billy Graham Fapa Franklin Graham nih cun Donald Trump sin ah lawmhnak bia a chim. Hi ti hin a langhter ‘  President Donald Trump kan i lawm. Cozah lei dohnak le phungphai tampi karlak ah Pfizer Company hna cu Vaccine a rannak i ser kho dingin rian na tuan caah kan i lawm. Dothlattu (researcher) hna chim ning ah hi sii hi 100 ah 90% cu a hlawh a tling tiah an chim.

Hihi a sunglawi tak takmi thil lianngan tuk a si. Pathian zong kan thangthat.  Sii sertu Company Pfizer Chairman le  CEO Dr. Albert Bourla nih cun hi thil hi kum 100 chung i Sii lei thanchonak nganbik a si tiah a chim. Cun American mipi sinah hi vaccine a phanh khawh zok zoknak hnga ralkap (military) he nan rianttuannak zong ah kan i lawm tuk.

A sunglawi tak takmi cawlcanghnak a si. Vaccine kong i rianttuantu Nurse le Sibawi vialte caah thlacam peng rih hna usih. Cun tuni caan i mitampi  Sizung i a ummi le  a zawmi hna ca zong ah thlacam hna usih tiah a langhter. Trump hicu minthang le mifim thiam pohpoh nih an tleihchan dih ko. Bawipa tunih thluachuahnak tampi pe chin koseh.

Relchap: Nupi paohpaoh hi zumhawk a tlakmi le bohchan a tlakmi an si dihlo. Zumhtlak nupi an um bantuk in zumhtlaklo zong an rak um ve. Zumhawktlak nusalṭha timi cu Pathian sin in hmuhmi thluachuah sunglawi an si. A man in cawk khawhmi a si lo. Nupiṭha cu a va caah bochanawk a tlak. A duhmi nak in a herhmi kha a tuaktaan deuh zungzal.

Thil Pakhatkhat Tuah Aa Timh Paoh ah Nangmah An Chimh Hmasa Penglai: Nupi cheukhat cu vaa le theih lo thli tein rian ṭuan le thil tuah a hmang mi an um. Sinain nupiṭha nih cun thil hme in a ngan tiang nangmah hnatlaknak tello in zeithil hmanh a tuah lai lo. A lungchung ummi bia le aruahnak vialte na sin ah an chimh hmasa peng lai. Cucu a tuah tikah nu le va kar remlonak le sikvelhnak a tlawm ter. Na nupi kha va ngia law a thli tein thiltuah hmangmi a si ahcun mi vanchia ngai na si.

An Zahpi Lai lo: Minung timi cu a hohmanh tlamgtling mi kan um dih lo caah chanbau nak lawngte in a khat mi kan si. Cheukhat cu vanchiat ruangah pum tlamtlin lo ti bantuk hna khi a um sual tawn. Cucu mah duh mi a si lo. Zei bantuk mitcaw, hnachet, kebul te hmanh vasi ko law an daw taktak tu na nupi nih cun na sining dihlak he zahpi loin an cohlan peng kolai. Cheukhat nupi cu an va le hnachet mi hna an sicun milak ah i zah pi ti bantuk an hmang theo tawn hmanhsehlaw nupi tha nih cun cu bantuk thil cu zeitik hmanh ah atuah bal lo.

A Mah Sining Thei Bu Tein Aum Zungzal: Nupi tha nihcun a sining kha aa hngalh zungzal. Va a ngeih hnu ah cun a va le a va chungkhar caah tthitmi a si kha aa hngalh tikah a mah chungchuak unau le nupa bantuk tein a zohkhenh peng hna. Cun a mah chung le a va le chung karah thleidan nak pakhat hmanh a ngei lo. Mithmai thalo in a va kha a chawnbia fawn lo i upat bu tehe a biakchawnh zungzal. A nih cu va tangdoi ding ka si tikha aa theih caah a va chimhcak mipoh kha a zul.

Inn Chungkhar Ṭha Tein A Zohkhenh: Nupiṭha nih cun a innchungkhar kha Pathian lei ah a tthan ter i awhrang in a fa le va kha a chawnbia bal hna lo. An herhmi thilri kha tlamtling tein a zohkhenh ii a fa le zong mi mithmai khap loin an um bal lo. Chungkhar pumhnak a tuah pi hna i dawtnak in akhatmi chungkhar a serpi hna. Ref: CBS.com